ஸ்ரீகாந்த்- சென்னை சூப்பர் கிங்க்

தடலாடி விளையாட்டு என்றால் கிரிக்கெட்டில் சில காலங்களுக்கு முன்பு நம்ம ஸ்ரீகாந்த் மட்டுமே ஞாபகம் வரும்.இன்றும், இவர் அடித்த ஸ்கொயர் கட் -மேற்கிந்திய அணிகளுக்கு எதிராக ( உலகக்கோப்பை என்று நினைக்கிறேன்) அடித்தது தான் ஞாபகம் வரும்,அடுத்த பந்திலேயே நடு குச்சி ஆட்டம் போட்டது என்பது வேறு விஷயம்.

அந்த பந்து பேட்டில் பட்டது தான் தெரியும் சும்மா செம ஸ்பீடில் பவுண்டிரிக்கு போனது.

அப்படிப்பட்ட ஸ்ரீகாந்த் போட்ட ஆட்டத்தை கீழே பார்ககவும்.பட்டாசுனா,நம்மாளுக்கு பயம் போல்!! :-))



நன்றி: வசந்தம் சென்ரல்

எஸ்.ராமகிருஷ்ணன்

எழுதுவது ஏன்?

இப்படிப்பட்ட கேள்வி வாசகனுக்கோ எழுதுபவர்களுக்கோ ஏற்பட்டால்...


இங்கு



போய் பார்க்கவும்.

திரு ராமாகிருஷ்ணனின் எழுத்து எனக்கு ஆனந்தவிகடன் மூலம் தற்செயலாக அறிமுகமானது.நான் விரும்பி படிக்கும் பாலகுமாரனுக்கு அடுத்து இவர் புத்தகங்களை தான் தேடுவேன்.என்ன எழுதினாலும் நம்மையும் அவருடனே கட்டி இழுத்துக்கொண்டு போகும் கலையை அவர் எழுத்தை படிப்பதன் மூலம் அனுபவிக்கலாம்.

மேலே கொடுத்த சுட்டியில் போய் பாருங்கள் பல முத்துக்கள் கொட்டிக்கிடக்கின்றன.

பி.குறிப்பு: பயர் பாக்ஸில் எழுத்து படிக்க முடியாத அளவுக்கு இருக்கு அதனால் IE மூலம் படிக்கவும.்

ஹைட்ரஜன் கார்

வர வர கார்களின் எரி பொருளுக்கு மாற்று கண்டுபிடிக்க வேண்டிய சூழ்நிலை நெருங்கிவிட்டது என்பதை தான் இந்த சலனப்படம் காண்பிக்கிறது.

எல்லாம் போய் இப்போது ஹைட்ரஜன் மூலப்பொருள் கொண்டு இக்காரை இயக்குகிறார்களாம்.எரி பொருள் செலவு இப்போதைக்கு அதிகமாக தெரிந்தாலும் நாள் ஆக ஆக பழக்கமாயிடும் என்று சொல்லவில்லை. :-))
கட்டுப்படியாகும் என்று சொல்கிறார்கள்.




நன்றி: வசந்தம் சென்ரல்

ரியாக்டர்-தமிழில் மறந்து போய் விட்டது.

நண்பர் ஒருவர் மின் அஞ்சல் மூலம் இந்த படங்களைஅனுப்பியிருந்தார்.
கட்டுமானத்துறையில் இப்போது கான்கிரீட் பயண்பாட்டை குறைத்து ஸ்டீலுக்கு மாறிக்கொண்டு இருக்கிறார்கள் அந்த விதத்தில் இந்த் ரியாக்டர் எப்படி ஆரம்பித்து எப்படி வெளியேறுகிறது என்று பாருங்கள்.

கிழே உள்ள படத்தில் உள்ள ரியாக்டர் வெல்டிங் வேலைகள் முடிந்து டெஸ்டிங்காக தயார் நிலையில் இருக்கிறது.



பூஜையை முடிச்சிடலாமா?



லார்சன் & டூப்ரோ வில் இதே மாதிரி பெரியவேலைகள் முடியும் போதும் பூஜை நடைபெறுவது வழக்கம்.



பூஜை முடிந்த பிறகு நியூமேடிக் டெஸ்டிங்



அப்பாடி நல்ல படியாக டெஸ்டிங் முடிந்தது.



அப்புறம் தூக்கிட்டு போக வேண்டியது தான்,என்ன கொஞ்சம் பெரிய வண்டியாக வேண்டும்.அதற்காக பஞ்சம் நம்மூரில்..




ரியாக்டரை இன்னும் கொஞ்சம் பக்கத்தில் காட்டய்யா!!இதோ



தண்ணீர் வழியாக கப்பலில் ஏற தயராக கொண்டுவந்திட்டாங்க..



அவ்வளவு தான் தண்ணீரில் ஏற்றிய பிறகு எங்கள் பணி முடிந்த்து என்ற பெருமூச்சுடன்..ஒரு குரூப் போட்டோ எடுத்துக்கலாமா?

கடைசியில் பாருங்கள்.




வாழ்த்துக்கள் நண்பர்களே,ரொம்ப நாள் கழித்து இந்த மாதிரி படங்களை பார்க்கும் போது திரும்ப அங்கு வேலைக்கு சேர்ந்த மாதிரி ஒரு தெம்பு கிடைக்குது.

பாலகுமாரனின் ஹிந்தி

நான் பலதரப்பட்ட எழுத்தாளர்களின் புத்தகங்களை படித்தாலும் பாலகுமாரனின் படிப்புகளை படிக்கும் போது பல முறை கால நேரம் தெரியாமல் போயிருக்கிறது,மூழ்கிவிடுவேன்.

இப்போது நான் படித்துக்கொண்டிருக்கும் “கருணை மழை” நாவலில் உள்ள இரண்டாம் பகுதியில் உள்ள ”சரஸ்வதி” என்ற கதையில் வரும் ஒரு பகுதி உங்கள் பார்வைக்காக.

படத்தின் மேல் சொடுக்கி பெரிதாக்கி படிக்கவும்.



இவர் நாவலில் வரும் பல பகுதிகள் என் வாழ்கையில் அப்படியே அச்சடித்த மாதிரி நடந்தது மட்டும் ஏன் என்று தெரியவில்லை.

முடிந்தால் படிக்கவும்.

களவு தொழிற்சாலையாம்!!

முதலில் இப்புத்தகத்தை பார்க்கும் போது, தலைப்பில் ஏதோ தவறா? என்று எண்ணத்தோணியது.

கனவுத் தொழிற்சாலையை என்கிற சினிமா தொழிலைப்பற்றி தான் அப்படி சொல்லியிருக்கார்.

படிக்க.. படிக்க.. அதன் நீள,அகல மற்றும் உயரங்களை திரு பிஸ்மி என்பவர் உரித்துக்காண்பித்துள்ளார். சினிமா தொழிலில் உள்ள கயமைத்தனங்களை அப்படியே சொல்லியுள்ளார்.இவரே ஒரு தயாரிப்பாளர் போலும்,தார்மீக கோபம் சில இடங்களில் கொப்பளித்து எரிமலை குழம்பு போல் ஓடுகிறது.அதே சமயத்தில் நல்லவர்களை பெயருடன் குறிப்பிட்டு அடையாளம் காண்பித்திருக்கார்.






பாதி புத்தகமே முடித்திருக்கும் நிலையில் இன்னும் என்னென்ன சொல்லியிருபாரோ? என்ற பயம் இருந்தாலும்,திரையுலக துறையில் இருப்பவர்கள் மற்றும் நுழைய இருப்பவர்களும் கட்டாயம் ஒரு முறையாவது படிக்க வேண்டிய புத்தகம் இது.

அத்துறையில் நான் இல்லாமல் இருக்கும் போதே அதன் நாற்றத்தை உணர என்னால் முடியும் போது அதனுள் இருப்பவர்கள் தங்களை சுய பரிசோதனைக்கு செய்துகொள்ள இந்த புத்தகம் உதவும் என்று நினைக்கிறேன்.

ஆ மெங்க்

என்ன தலைப்பு ஒரு மாதிரியாக இருக்கா?

வேற ஒன்றும் இல்லை இங்குள்ள மிருககாட்சி சாலையில் இருக்கும் ஒரு ஓரங்குட்டான் குரங்கின் செல்லப்பெயர்.இதனுடன் உட்கார்ந்து காலை டிபன் சாப்பிட்டிருக்கிறார்கள் பல உள்ளூர் வெளியூர் மக்கள்.இதன் உருவம் சிஙக்ப்பூர் ஜூவின் ஒரு ஐகான் என்றால் மிகையாகாது.

வயசாகி/பாட்டியானதால் காலன் அழைத்துக்கொண்டான் போலும்.

மீதி கீழே...



நன்றி: வசந்தம் சென்ரல்.

அது உயிருடன் இருந்த போது..





வீடியோ உதவி: யாரோ புண்ணியவான் (thetvshooter).

சிங்கப்பூர் சக்கரம்

பிரிட்டனில் உள்ளது போலவே இங்கும் ஒரு சக்கரம் நிறுவி சுற்றுப்பயணிகளை கவர வேண்டும் என்று சுமார் 1.5 வருடங்களுக்கு முன்பு ஆரம்பித்தாக ஞாபகம்.

வரும் ஏபரல் முதல் பொது மக்களுக்கு திறந்து விட எண்ணியிருக்கும் இந்த “சிங்கப்பூர் பிளையர்” சுமார் 42 மாடி உயரம் உள்ளது.இதிலிருந்து (மேக மூட்டம்/தூசி மூட்டம் இல்லாத நாட்களில்) பார்த்தால் மலேசியாவும் & இந்தோனேசியாவும் தெரியும் என்கிறார்கள்.

ஒருவருக்கு இப்போது 29 வெள்ளி கட்டணம் என்று நிர்ணயித்துள்ளார்கள்.மீதி விபரங்கள் அவர்களே சொல்கிறார்கள்,கேட்டுவிடுவோம்.



இது லண்டன் ஹைய் யை விட 30 மீட்டர் உயரம் அதிகம்.

சிங்கையில் 20-20

சிங்கப்பூரில் கிரிக்கெட் ஆர்வலர்கள் குறைவு என்றாலும் சில பள்ளிகளிலும் இந்த ஆட்டத்தை அறிமுகப்படுத்தி வருகிறார்கள்.அவ்வப்போது சில திடல்களில் நம்மூர் ஆட்கள் டென்னிஸ் பந்து கொண்டு ஆடுவார்கள்.கையும் காலும் ஊறும்,என்ன பண்ணுவது?

இப்படிப்பட்ட ஊரில் 20-20 ஐ ஆடவைக்கப்போகிறார்களாம்.ஹாங்காங்கில் இருந்தும் ஒரு குழு வருகிறதாம்

20-20 கிரிக்கெட் வெறும் 3 மணி நேரத்துக்குள் ஆட்டம் முடிந்துவிடும் என்பதால் பலரிடம் புகழ்பெற்று விளங்கும் இந்த ஆட்டத்தை சிங்கப்பூரில் அறிமுகம் செய்கிறார்களாம்.

மேல் விபரங்களுக்கு சலனப்படத்தை பார்க்கவும்.



நன்றி: வசந்தம் சென்ரல்.

தமிழ் படிக்க உபகாரச்சம்பளம்

சிங்கப்பூரில் தமிழ் இளங்கலை படிக்க உபகாரச்சம்பளம் கொடுக்கிறார்களாம்,பாருங்கள் கீழே உள்ள சலனப்படத்தை.

தமிழை உயர்த்த எங்கெல்லாம் வாய்புள்ளதோ அங்கெல்லாம் தட்டிக்கொடுக்கும் சிங்கை அரசாங்கத்தை வாழ்த்துவோம்.



நன்றி:வசந்தம் சென்ரல்

புதுசா ஒரு வேலை!!

புது மாதிரியான வேலையை உருவாக்கி அதைவைத்து ஒரு 20 நிமிடங்கள் ஆளை சிரிக்க வைத்து வேடிக்கை பார்த்திருக்கிறார்கள்.

மென்பொருள் துறையில் உள்ளவர்கள் இன்னும் ரசிக்க அதிகமான வாய்ப்பு உள்ளது.


இங்கு சொடுக்குங்க

இந்த ரமணி ரமணி தொடர் ஒரு காலத்தில் சிங்கையிலும் ஒளி பரப்பப் பட்டது.இப்போ எந்த தொலக்காட்சி ஒளிபரப்புகிறது என்று தெரியவில்லை.

பார்த்து மகிழுங்கள்.

புகை வண்டி

நம்மூர் பல பகுதிகளில் இந்த புகைவண்டி காணமல் போய்கொண்டிருக்கும் வேளையில்....

பார்த்து மகிழ,இங்கே ஒரு சலனப்படம்.



யூ டியூபில் போட்ட புண்ணியவான் is1943 க்கு நன்றி

தேவ மொழி

எழுத்து....
அது எப்படி இருக்கனும் என்பதில் ஒவ்வொருவருக்கும் ஒவ்வொருவிதமான அபிப்பிராயம் இருக்கும்.ஒருவருக்கு பிடிக்கும் எழுத்தாளர்களை மற்றவர்களுக்கு பிடிப்பதில்லை.சாப்பாட்டில் எப்படி சுவை பேத அபிப்பிராயங்கள் இருக்குமோ அதே மாதிரி தான் எழுத்தாளர்களின் எழுத்து நடையும்.

ஒரு எழுத்தாளருக்கு எது தேவை என்பதை கீழ்கண்டவாறு ஒரு எழுத்தாளர் அதுவும் முதல் பக்கத்திலேயே கொடுத்துள்ளார்!!! முதல் பக்கத்திலேயே “குபுக்” என்று சிரிப்பை வரவழைத்துவிடுகிறார்.



யார் இவர்?

படித்தவர்களுக்கு தெரியும் அல்லது அவருடைய எழுத்து நடையில் இருந்து அனுமானிக்கலாம்.முடிகிறதா பாருங்கள்.

சி.குறிப்பு: இலவசகொத்தனாருக்கு பிடித்த எழுத்தாளர்.

”கோலங்கள்”- நாடகத்தொடர் அல்ல

மறைந்துகொண்டிருக்கும் பல கலைகளில் இந்த கோலக்கலையும் ஒன்று, அதுவும் நகர வாழ்கையில் அதற்கென்று ஒட்டி கூட வந்துவிட்டதால் கோலம் போடக்கூடிய அவசியமும் இல்லாது போய் கொண்டிருக்கிறது.

ஏதோ, இன்னும் கிராமங்களில் வாசலை அடைத்து கோலம்போடுபவர்கள் இருப்பதால் இந்த மாதிரி சலனப்படத்தின் மூலமாவது பார்க்கமுடிகிறதே!!

கீழே உள்ள சலனப்படத்தை பாருங்கள்/கேளுங்கள்.




நன்றி: வசந்தம் சென்ரல்

ஸ்தல புராணம்-வடுவூர்.

இது நான் எழுதியது அல்ல.நண்பர் மூலம் மின் அஞ்சலில் வந்து சேர்ந்தது.

திரு ஜோ.மகேஷ் மகேஷ்வரன் என்பவர் எழுதியுள்ளார்.

வடுவூரில் பிறந்திருந்தாலும்,இதில் இருக்கும் பல விஷயங்கள் எனக்கும் புதிது தான்.




திருவாரூர் தேரழகு, மன்னார்குடி மதிலழகு, வடுவூர் சிலையழகு என்று ஒருங்கிணைந்த தஞ்சாவூர் மாவட்ட கிராமங்களில் கூறுவார்கள். முதலிரண்டு விஷயங்களும் பெருமபாலானவர்களுக்கு தெரிந்திருக்கும். அது என்ன வடுவூர் சிலை அழகு....அறிந்து கொள்ள தொடருங்கள்..... திருவாரூர் & தஞ்சாவூர் மாவட்டங்களின் எல்லைப்புற கிராமம், எங்கும் பச்சை பட்டாடை உயர்த்திய நெல்வயல்கள், ஊர் எல்லையில் 364 ஏக்கர் பரப்பில் பிரம்மாண்டமாக வரவேற்கும் பெரிய ஏரி போன்ற சிறப்புகளுடன் உள்ள ஊர் வடுவூர். இதில் உள்ள புகழ் பெற்ற ஸ்ரீ கோதண்டராமர் சிலையைத்தான் மக்கள் இப்படி அழைக்கிறார்கள். மற்ற கோயில்களில் உள்ள சாமி சிலைகளை விட இந்த ராமர் சிலைக்கு அப்படி என்ன சிறப்பு என்கிறீர்களா ? பார்ப்பவர் பரவசம் கொள்ளும் வகையில், மந்தகாச புன்னகை காட்சி தருகிறார். வேறு எங்கும் இது போல் சிலைகளைப் பார்க்க முடியாது என்கிறார்கள் ஆன்மீக பெரியோர்கள். இதற்கு சாட்சியாக வெளிநாடு மற்றும் பல்வேறு மாநிலங்களில் இருந்தும் ஒரு முறை வந்து வந்து விட்டு, ஸ்ரீ ராமரின் மந்தகாச புன்னகையில் மயங்கி, அடிக்கடி வந்து போகும் பக்தர்கள் ஏராளம்.

இந்த சிலை இங்கு வந்ததுக்கு கூறப்படும் செவி வழிக் கதை, ஸ்ரீ ராமர் வனவாச காலத்தின் முடிவில் அயோத்திக்கு செல்ல ஆயத்தமாகிறார். அப்போது காட்டில் உள்ள ரிஷிகள் ராமர் மீது கொண்ட பிரியத்தால் தங்களுடனே ராமர் இருக்க வேண்டுகோள் விடுக்கிறார்கள். அவர்களின் அன்பு கட்டளையில் சிக்குண்ட நிலையில் ராமர், தனது உருவத்தை சிலையாக வடித்து ஆசிரம வாயிலில் வைக்கிறார். அடுத்த நாள் அங்கு வரும் ரிஷிகள் சிலையின் அழகில் மயங்கி நிற்கிறார்கள். அப்போது ராமர் தங்களுடனேயே தங்க மீண்டும் வேண்டுகிறார்கள். இதை மறுக்க முடியாமல் தவிக்கும் ராமர், நான் வேண்டுமா? இந்த சிலை வேண்டுமா ? என்கிறார்.

ஏற்கனவே சிலையின் அழகில் மயங்கியிருந்த ரிஷிகள், சிலையை வாங்கிக் கொள்கிறார்கள். இதை பல ஆண்டுகளுக்கு பிறகு திருக்கண்ணபுரம் என்ற ஊரில் பிரதிஷ்டை செய்து பூஜிக்கிறார்கள். பின்னர் பாதுகாப்பு காரணங்களுக்காக இந்த சிலை, இத்துடன் இருந்த சீதை, லட்சுமணர், பரதன், ஹனுமன் சிலைகளையும் தலைஞாயிறு என்ற ஊரில் உள்ள ஒரு ஆலமரத்துக்கு அடியில் புதைத்து வைக்கிறார்கள். கால ஓட்டத்தில் இது பற்றி மக்கள் மறந்து விட்ட நிலையில், அப்போது தஞ்சாவூரை ஆண்ட சரபோஜி பரம்பரை மன்னர் ஒருவர் கனவில் ராமர் வந்து, ஆலமரத்து அடியில் தான் புதையுண்டு இருக்கும் தகவலை சொல்லி, தன்னை பிரதிஷ்டை செய்ய வேண்டும் என்று கட்டளையிடுகிறார். திடுக்கிட்டு எழும் அந்த மன்னர், அந்த நள்ளிரவு நேரத்தில் தனது படைகளுடன் குறிப்பிட்ட அந்த இடத்துக்கு செல்கிறார். சிலைகளை மண்ணில் இருந்து வெளியில் எடுக்கிறார். அப்போது மன்னரை சூழ்ந்து கொள்ளும் அப்பகுதி மக்கள் சிலைகளை அங்கேயே பிரதிஷ்டை செய்ய வேண்டும் என்று கோருகிறார்கள். அவர்களை சமாதானம் செய்து, பரதன், லட்சுமணர் சிலைகளை மட்டும் அங்கே பிரதிஷ்டை செய்கிறார்.

சிலைகளைக் கொண்டு தஞ்சாவூர் செல்லும் வழியில் வடுவூரில் தங்குகிறார்.

இது பற்றி தகவல் அறிந்து இந்த ஊர் மக்கள், ராமர் சிலையை அங்கிருந்த கோபாலன் சந்நிதியில் பிரதிஷ்டை செய்ய வேண்டுகிறார்கள். மன்னர் மறுக்கவே, பக்தர்கள் சிலர் கோயில் கோபுரத்தில் இருந்து விழுந்து உயிர் துறப்போம் என்றதும், மன்னர் சம்மதிக்கிறார். அன்று முதல் கோபாலன் கோயில் ஸ்ரீ கோதண்டராமர் கோயிலாக மாறியது. (இன்றும் இதை பெருமாள் கோயில் என்றே அப்பகுதி மக்கள் கூறுகிறார்கள்). சிலையில் உள்ள கலை நுணுக்கம், பார்த்தவரை மயக்கும் மந்தகாச புன்னகை, மக்கள் கொண்டுள்ள பக்தி இவற்றைக் கொண்டு மேற்சொன்ன செவிவழிச் செய்தி உண்மைதான் என்கிறார்கள் ஊர் பெரியவர்கள்.

மேலும் ராமர் சிலைக்கு அருகில் வைக்க லட்சுமணர் சிலை வடிக்கப்படுகிறது. இது பெண் வடிவமாக அமைந்து விடுகிறது. இதனால் அந்த சிலையை அருகில் அழகிய சுந்தரி அம்மன் (பிடாரி கோயில்) என்று பிரதிஷ்டை செய்துள்ளார்கள். வேறு லட்சுமணர் சிலை வடிக்கப்பட்டு, தற்போது ஸ்ரீ கோதண்ட ராமர், சீதாபிராட்டி, லட்சுமணர், ஹனுமன் சமேதராய் காட்சியளிக்கிறார். இதை கண்வ மகரிஷி, குலசேகர பெருமாள் மற்றும் பல ஆன்மீக பெரியோர்கள் தரிசித்துள்ளனர்.

1.வடுவூர் & பெயர்காரணம்

இந்த ஊர் நிர்வாக வசதிக்காக தற்போது 3 ஊராட்சிகளாக பிரிக்கப்பட்டுள்ளது. ஆனால் அனைத்தும் சேர்த்து தன்னரசு நாடு என்று இப்பகுதி மக்களால் அழைக்கப்படுகிறது. இந்த ஊருக்கு வடுவூர் என்ற பெயர்க்காரணமே சுவாரஸ்யமானது. சேரர் மற்றும் தொண்டை மண்டலத்தார் என பெரும் படையை எதிர்த்து கரிகால சோழன் வெற்றி கண்ட வெண்ணிப்பறந்தலைப் (தற்போது கோவில்வெண்ணி) தமிழக வரலாற்றில் முக்கியத்துவம் பெற்றது. இந்த போரில் வெற்றி கண்ட கரிகால சோழனது வீரர்கள் இந்த ஊரில் தங்கி இளைப்பாறி, விழுப்புண் ஆற்றிச் சென்றனர். வடுக்களைப் பெற்ற போர்வீரர்கள் தங்கி சென்ற ஊர் என்ற பொருளில் வடு + ஊர் = வடுவூர், அழகுமிக்க, இளமையான ஊர் எனும் பொருளில் வடிவு +ஊர் என அழைக்கப்படுகிறது. அந்த காலத்தில் மகிழ மரங்கள் நிறைந்து காணப்பட்டதால் மகிழங்காடு, வெகுளாரண்யம் என்றும், பாஸ்கர ஷேத்திரம், தக்ஷிண அயோத்தி, ஏகாதசி கிராமம் என பல்வேறு பெயர்களும் உண்டு என்கிறார்கள் இந்த ஊர் பற்றி ஆய்வு செய்த ஆராய்ச்சியாளர்கள்.

2. பிற சிறப்புகள்:

இந்த ஆலயத்தின் உள்ளே கல்விக் கடவுளான ஹயக்கிரீவர் கோயில், 500 ஆண்டுகள் பழமையான தேசிகர் சிலை உள்ளது. ஹயக்கிரிவரை வணங்கி சென்ற எந்த மாணவரும் தேர்வில் பின்தங்கியதில்லை என்பது நம்பிக்கை. கோயில் முன்பு நிறுத்தப்பட்டுள்ள ராமாயண காட்சிகளை விளக்கும் திருத்தேர், அந்த தேரடியில் ஸ்ரீ ராமர் பாதம் நோக்கி வீற்றிருக்கும் ஸ்ரீ ஹனுமன், கோயிலுக்கு அருகில் உள்ள வடுவூர் வடபாதி கிராமத்தில் மேற்கு நோக்கி வீற்றிருக்கும் சிறப்பு பெற்ற கைலாச நாதர் கோயில் ஆகியவை உள்ளன. கிழக்கே 12 கி.மீ தொலைவில் மன்னார்குடி ஸ்ரீ ராஜகோபால சுவாமி கோயில், மேற்கே 24 கி.மீ தொலைவில் உலக புகழ் பெற்ற தஞ்சாவூர் பெரிய கோயில் (பிரகதீஸ்வரர்), 40 கி.மீ தொலைவில் கோவில் நகரமாம் கும்பகோணம் ஆகியவை உள்ளது குறிப்பிடத்தக்கது.

கொடுத்து உதவிய திரு ஜோ.மகேஷ்வரனுக்கு மிக்க நன்றி.

பத்து விரலிலும் புளி

எனக்கு எப்போதும் வானொலி கேட்பது பிடித்தமான விஷ்யங்களில் ஒன்று.அறையில் இருக்கும் போது வானொலி ஓடிக்கொண்டு இருக்கும்.
ஏன்? இப்போது அலுவலகத்தில் இருக்கும் போது தமிழ் வானொலி கேட்டுக்கொண்டு தான் இருக்கிறேன்.

தவறாமல் வானொலியில் செய்திகள் கேட்பது என் சின்ன வயதில் இருந்து தொடர்ந்துகொண்டிருக்கிறது.

சிங்கப்பூர் வந்ததில் இருந்து இங்குள்ள தமிழ் மக்களுக்கு இருக்கக்கூடிய ஒரே ஆதரவு “ஒலி 96.8” தான்.இதன் சுட்டியை கொடுக்கலாம் என்று பார்த்தால் கடந்த 4 மாதங்களாக தூங்கிக்கொண்டு இருக்கிறது.அமெரிக்காவில் இருப்பவர்களால் ஒரு காலத்தில் பரவலாக கேட்கப்பட்டு வந்தது பிறகு ஏதோ பிரச்சனையால் அவர்களால் இணையம் மூலம் கேட்கமுடியவில்லை.

இன்று காலை சமையலை முடித்து லன்ஞ் பெட்டியில் சாப்பாடு வைத்துக்கொண்டு இருக்கும் போது,காலை நிகழ்ச்சி படைக்கும் “திரு” என்னும் திருச்செல்வி நகைச்சுவை சொல்பவர்களை பேசவிட்டு துணுக்குகளை ஒலிபரப்புவார்.அப்படி ஒன்று இன்று கேட்டது.

உரையாடல் அப்பாவுக்கும் பிள்ளைக்கும்.

அப்பா கொஞ்சம் பழைய கால ஆசாமி, தேவையில்லாமல் செலவு செய்வதை விரும்பாதவர்.அவரிடம் பல முறை மோதி நல்ல பெயர் எடுக்கமுடியாத பிள்ளை.

ஒரு நாள்...
அப்பா: டேய்! அந்த பானையில் உள்ள புளியை எடுத்து வேறு பானையில் போடு .
மகன்: சரிப்பா

மகன் அந்த வேலையை செய்து முடித்த பிறகு திடிரென்று ஒரு ஐடியா தோன்றியது.புளியை மாற்றும் போது பத்து விரல்களிலும் புளி ஒட்டிக்கொண்டு இருந்தது.அப்போது சாம்பார் வைக்க புளி கரைக்க முற்படும் போது கையில் இருக்கும் புளியை உபயோகித்து அப்பாவிடம் சொல்லி நல்ல பெயர் எடுத்துவிடலாம் என்று நினைத்து அப்படியே செய்தான்.

அப்பா வந்ததும் அவரிடம் அதைச் சொல்லி நான் ரொம்ப சிக்கனமாய் செய்துவிட்டேன் என்றான்.

அப்பாவிடம் இருந்து பளார் என்று அறை விழுந்தது.

ஏண்டா! பத்து விரலையும் ஒரே தடவையில் நனைத்தாய்? ஒவ்வொரு நாளும் ஒவ்வொரு விரலாக நனைத்தால் பத்து நாளைக்கு வங்திருக்கும் அல்லவா? என்றாராம்.

இதெப்படி இருக்கு??

எழுதியதில் பிடித்தது என்று ஒரு பதிவைப்போடச்சொல்லி “காட்டாறு” சொல்ல்லியிருந்தாங்க .தலை என்று வேறு சொல்லியிருக்காங்க,போடாவிட்டால் எப்படி? :-)

சற்று முன் எழுதிய பதிவு,அதனால் இப்போதைக்கு இது தான் பிடிச்சிருக்கு.

தாமதித்ததுக்கு மன்னிக்கவும்.

திரு சிவ சிதம்பரம்

கடந்த 27ம் தேதி நடந்த கும்பாபிஷேகம் ஒன்றுக்காக திரு சிவ சிதம்பரம் கச்சேரி ஏற்பாடு செய்யப்பட்டிருந்தது போலும்,அதை செய்திகளில் காண்பித்தார்கள்.

உங்கள் பார்வைக்காக கீழே உள்ள சலனப்படம்.



நன்றி: வசந்தம் சென்ரல்

காளை “ஆட்டம்”.

இது சிம்பு நடிக்கும் காளை படத்தை பற்றி அல்ல.

மேல் விபரங்களுக்கு படத்தை பாருங்கள்.



நன்றி: வசந்தம் சென்ரல்

இணைய வேகம்

என்னுடைய "ஆப்பிள் கணினி" பதிவில் நம் சக பதிவாளர் "திவா" சிங்கப்பூரில் இணைய வேகம் எவ்வளவு இருக்கும் என்று கேட்க மாட்டேன் என்று சொல்லியிருந்தார்.

//இங்கு சிங்கையில் தேவைக்கு அதிகமாகவே வேகம் கிடைக்கிறது.//
எவ்வளவு என்று கேட்டு பெருமூச்சு விட நான் தயார் இல்லை!
:-)

அவர் கேட்காட்டி என்ன சொல்ல வேண்டியது நம்ம கடமை இல்லையே?

கீழே இருக்கும் படத்தை பாருங்கள்.



கடந்த 2 மாதங்களாக முட்டி மோதி ஒருவழியாக லினக்ஸில் கம்பியில்லா சேவையை கொண்டுவர முடிந்தது.இணைய இணைப்பு கிடைத்தவுடன் லினக்ஸின் பதிப்பை மேம்படுத்த சுமார் 350 MB தரவிரக்கம் செய்ய வேண்டிவந்தது.மேலே உள்ள படத்தில் காட்டியபடி 300kb/second என்ற கணக்கில் ஏறக்குறைய 11 நிமிடங்களில் இறக்கிவிட்டது.

நான் இணையம் உபயோகிக்க ஆரம்பித்த போது டையல் அப் மோடத்தில் 6 kb வந்தாலே படு ஆச்சரியமாக பார்த்துக்கொண்டு இருப்பேன்.அதையும் இதையும் ஒப்பிட்டு பார்க்கையில் இன்னும் அதிக வேகம் கூடும் என்றே தோன்றுகிறது.

சாலை தடுப்புச்சுவர்

ரொம்ப நாள் ஆயிற்று இங்கு கட்டுமானப்பதிவை போட்டு.

கீழே உள்ள சலனப்படத்தை பாருங்கள்,இந்த இயந்திரம் சாலையில் இரு ஓரங்களில் வரும் சிறிய தடுப்புச்சுவரை அதாகவே போட்டுக்கொண்டு நகருகிறது என்று.ஓரளவுக்கு நேராகவோ அல்லது ஏற்ற இறக்கம் உள்ள சாலைகளில் இதன் பயண்பாடு மிக அதிகம்.குறைந்த ஆட்கள் இருந்தால் போதுமானது.

இந்த இயந்திரத்தை பல மாதிரிகளில் பயண்படுத்துவதால்,ஒரு இயந்திரம் ஒரு வேலை மாத்திரம் என்று இல்லாமல் போட்ட முதலை சீக்கிரமே எடுக்க வசதி பண்ணிக்கொடுத்திருக்கிறார்கள்.

தேவையான அளவு மண்ணை எடுத்து தகுந்த உயரத்துக்கு கான்கிரீட்டும் போட்டுக்கொடுத்து விடுகிறது.

பாகம் 1



பாகம் 2



அடுத்த முறை சாலைப்பணி நடைப்பெற்றால் ஒரு கடைகண் பார்வையை செலுத்திவிட்டு போங்கள்.