DVD Tray திறக்கவில்லையா?

நான் ஒரு DIY (Do It Yourself) ஆசாமி என்று ஒரு சில பதிவுகளில் சொல்லியுள்ளேன் அப்படி முயற்சித்து வெற்றிகண்ட ஒரு நிகழ்வைதான் இப்போது சொல்லப்போகிறேன்.இதற்கு முன்பு முயற்சித்தது இங்கே.

நான் முயற்சித்த பல விஷயங்கள் வெற்றி/ தோல்வியில் முடிந்திருந்தாலும் வெற்றி அடையும் போது கிடைக்கும் ஒரு மகிழ்ச்சி அளப்பரில்லாதது தான்.

வீட்டில் ஒரு டிவிடி ரெக்கார்டர்-பிலிப்ஸ் மாடல் சுமார் 6 வருடங்களுக்கு முன்பு வாங்கியது இருக்கிறது.இதை வாங்கும் போது ரெக்கார்டிங் கட்டுப்பாடு எதுவும் இல்லாதிருந்த காரணத்தினாலும் மற்றும் VHS Tapes வழக்கொழிந்து போகும் நிலையில் இருந்ததால் அதற்கு மாற்றாக இருக்கட்டுமே என்று வாங்கினேன்.ஆனால் சமீபகாலத்தில் ரெக்கார்டிங்(கேபிள்) மட்டுப்படுத்தப்பட்டுவிட்டதாலும்,நிகழ்வுகளை சேமித்து பிறகு பார்க்ககூடிய அளவில் கால அவகாசம் இல்லாத்தால் இதை உபயோகிப்பதும் மிகவும் குறைந்துவிட்ட நிலையில் இதை DVD Player ஆக உபயோகித்து வந்தேன். சமீபகாலங்களில் DVD மூலம் படம்/நிகழ்வுகள் பார்பதும் அரிதாகிவிட்டதால் ஆண்டுக்கு ஒரு சில முறைகளே உபயோகித்துவந்தேன்.இப்படிப்பட்ட நிலையில் திடிரென்று DVD Tray வெளியே வருவதில் பிரச்சனை வந்தது.

கூகிளாரிடம் தேடிய போது யுரோப்பில் உள்ள பலருக்கும் இப்பிரச்சனை இருப்பதும் அதற்காக Hard Reset செய்தும் வேறு சில ஆலோசனைகளையும் முன் வைத்தார்கள் அதில் ஒன்றிரண்டை உபயோகித்து சில நாட்கள் வரை உபயோகித்துவந்தேன்.சில முறை பேபர் கட்டர் பிளேடை Tray க்கு கீழே உள்ள இடைவெளியில் விட்டு உள்ளே உள்ள லாகை விடுவித்து Tray ஐ வெளியே கொண்டுவந்தேன்.Tray க்கு கயறையெல்லாம் கட்டி இழுத்து ஓட்டிக்கொண்டிருந்தேன்.:-)

DVD Recorder யின் உள் அமைப்பு.

இப்பிரச்சனை முதல் முறையாக தலைகாட்டிய போதே DVD Recorder ஐ முழுவதுமாக பிரிக்க முயற்சித்தேன்.சரியான Screw Driver கிடைக்காமல் பிறகு கிடைத்து எல்லாம் பிரித்து பார்த்த போது DVD Player Set ஐ வெளியே எடுக்கமுடியாத படி Tray முகப்பு மாட்டப்பட்டிருந்தது. தோல்வியில் முடிந்த இந்த முயற்சிக்கு பிறகு அப்படியே திறந்த ஸ்குருவை போட்டு மூடிவைத்துவிட்டேன்.இப்படி திறந்த போதே இதன் ஸ்விச் மற்றும் இயக்கமுறையை ஓரளவு மனதில் நிருத்தியிருந்தேன் அதனால் இப்போது திறந்த போது அவ்வளவு பிரச்சனை வரவில்லை ஆனாலும் டிரேயின் முகப்பு மட்டும் எப்படி கழ்ற்றுவது என்பது பிடிபடாமல் இருந்தது.இதற்கிடையில் இந்த DVD Tray வரக்கூடிய பிரச்சனை அதனை எப்படி சமாளிப்பது போன்ற முறைகளை இணையத்தில் இருந்து தெரிந்துகொண்டேன் அதில் ஒவ்வொன்றாக செயல்படுத்தி பார்ப்போம் என்று தொடர்ந்தேன்.Tray யின் முகப்பு கீழிருந்து மேல் தூக்கினால் வெளியே வந்துவிடுக்கிறது அது கூட அகஸ்மாத்தாகத்தான் கண்டுபிடித்தேன்.

லென்ஸ் & டிரே.

DVD Recorder யின் பின் தோற்றம்.

வட்டை படிப்பதில் பிரச்ச்னையில்லை என்பதால் உள்ளிருக்கும் லென்ஸும் அதை சார்ந்த வன்/மென்பொருள் பக்கம் போகவேண்டியதில்லை என்பதை முடிவுசெய்தேன்,அப்படியென்றால் டிரே வெளியே தள்ளக்கூடிய இரு சமாச்சாரங்கள் மட்டுமே இதற்கு பிரச்சனை கொடுக்கிறது என்றும் அது இதற்குரிய மோட்டார் அல்லது இதை நகர்தக்கூடிய பெல்ட்.மோட்டர் போயிருந்தால் என்னால் அதை சரிசெய்ய முடியாது ஏனென்றால் அதற்கான அறிவு என்னிடம் இல்லை மற்றது இந்த பெல்ட்.இந்த பெல்ட் பல காலம் உபயோகத்தில் இல்லாவிட்டால் அதன் விரைப்புத் தன்மை போய் இளகிவிடும்.பழைய டேப் ரெக்கார்டரில் அவ்வப்போது இப்பிரச்சனையை பார்த்திருந்தால் இதை மாற்றிப்பார்பது என்று முடிவு செய்தேன்.

Belt Close up picture below.

வீட்டுக்கு பக்கத்தில் இருந்த ஒரு கடையில் போய் அந்த பெல்டை காண்பித்து கேட்ட போது அது இங்கு கிடைக்காது என்றும் விருகம்பாகம் மார்கெட் அல்லது மெர்சி-வடபழனி கடையில் கேட்கவும் என்றார்கள்.மெர்சி கடை வடபழனியில் பிரபலம் என்றாலும் எனக்கு தேவையான விபரங்கள் கிடைக்கவில்லை,திரும்பும் வழியில் விருகம்பாக்கம் மார்கெட் பக்கத்தில் உள்ள கடையில் கேட்ட போதும் அவர்களிடமும் “இல்லை” என்று பதில் வந்தது.வேறு எங்காவது கிடைக்குமா என்று கேட்ட போது,ஆழ்வார்திருநகரில் ICICI வங்கிக்கு அருகில் உள்ள கடையில் கிடைக்கும் என்றார்கள்.அந்த கடைக்கு போய் கேட்ட போது,இதை முயற்சித்து பாருங்கள் சரியாக இருக்கும் என்றார்கள். விலை???- பதிவின் கடைசியில்.

இந்த பெல்டை போடுவது கொஞ்சம் சிரமான வேலை.சில முறை முயற்சித்து போட்டு உள்ளே பொருத்தினேன்.எல்லாம் முடிந்த பிறகு Eject Button ஐ அழுத்திய போது அழகாக திறந்தது.இதையே கடைகளில் கொடுத்திருந்தால் நிச்சயம் Rs 1000 தீட்டியிருப்பார்கள் என நினைக்கிறேன்.நேரமும்,ஆராயனும் என்ற முயற்சி இருந்ததால் இதை என்னால் புரிந்துகொண்டு சரி செய்யமுடிந்தது.

இவ்வளவு பெரிய கம்பெனி சாமான்,அதுவும் இந்த மாதிரி டிரே மாட்டிக்கிட்டா உள்ளே திறக்கிற மாதிரியா வைப்பார்கள்? நிச்சயமாக இல்லை, ஆனால் இதற்கான எளிமையான வழியை எங்கும் சொல்லாமல் வைத்திருக்கிறார்கள்.பிளேயரின் கீழே சிறிய நீள்வட்ட ஓட்டை உள்ளது அதனுள் வெள்ளை நிற பிளாடிக் லீவர் போல் ஒன்று உள்ளது அதை ஒருபக்கமாக நகர்த்தினால் டிரே வெளியே வந்துவிடும்.இது கிட்டத்தட்ட நமது கணினியில் இருக்கும் DVD/CD Player பக்கத்தில் இருக்கும் சிறு துளை இருக்கும் அதன் பணி போன்றதே.படம் கீழே.

வெற்றி வெற்றி...

ஆமாம், அந்த பெல்டின் விலை? - ரூபாய் மூன்று மட்டுமே.

பின்குறிப்பு:இது என்னுடைய அறிவு சார்ந்த அனுபவும்,இதைவைத்து எங்காவது எதையாவது விட்டு ஷாக் வாங்காதீர்கள்.அதற்கு நான் பொருப்பல்ல.

இதுவும் கண்டுபிடிப்பு தான்.

சில சமயம் பழைய கண்டுபிடிப்புகளை பற்றிய புத்தகங்களை படிக்கும்போது அந்த கண்டுபிடிப்புகளெல்லாம் ஏதோ ஒரு விபத்து தானோ என்ற சந்தேகம் வருவதுண்டு ஆனால் எனக்கு நேர்ந்தது....சத்தியமாக கண்டுபிடிப்பு அல்ல ஆனால் நிச்சயமாக ஒரு விபத்து தான்.

சிங்கையில் இருந்த போது அப்போது தான் வந்த DVD Recorder மீது கண் விழுந்து வாங்கினேன்.சுமார் 549 வெள்ளி என்று நினைக்கிறேன்.நம்ம பழைய கேசட் எல்லாம் Fungus வந்து பள் இளிக்கும் கால கட்டத்தில் இது ஒரு நல்ல மாற்றாக இருக்கும் என்று நம்பி வாங்கினேன்.

சென்னைக்கு வந்த பிறகும் அதன் மூலம் தொலைக்காட்சி நிகழ்வுகளை சேமித்து பின் பார்த்துக்கொண்டிருந்தோம்.நடுவில் இந்த Set-up Box வந்ததும்,நிறைய சேனல்கள் வாழ்கையை ஆக்கிரமித்ததும் நேற்றைய நிகழ்வு இன்று Bore அடிக்க ஆரம்பித்ததால் இந்த Recorder க்கு வேலை இல்லாமல் தேமே என்று தூங்கிக்கொண்டிருந்தது.எப்போதோ வருகிற DVD/VCD க்கு பார்பதற்கு வேறு வழி இருந்ததால் இதை கண்டுகொள்ளாமல் இருந்துவிட்டேன்.திடிரென்று ஞானோதோயம் வந்து ஒரு நாள் ஒரு வட்டை போட்டு பார்க்கலாம் என்று On செய்து Eject Button ஐ அழுத்தினால் உள்ளிருக்கும் சிறிய மோட்டார் வேலை செய்யும் சத்தம் கேட்கிறது ஆனால் வட்டு டிரே வெளியே வர மறுத்தது. “Blocked" என்ற பிழையுடன் நின்று போனது.நமது கணினியில் இருக்கும் Tray கீழே இருக்கும் சிறிய துளை இதில் இல்லை அதனால் Tray ஐ வெளியே கொண்டு வர வழியே இல்லாமலிருந்தது.நம் ஆண்டவர் கூகிளில் தேடினால் என்னைப் போல் பலருக்கு இந்த பிரச்சனை இருப்பது தெரிந்தது.பல வழிகள் சொல்லப்பட்டிருந்தது.அதில் ஒன்று “Tray க்கு கீழே ஒரு Lock இருக்கு அதை பேப்பர் கட்டர் கத்தியை கொண்டு விலக்கிவிட்டால் Tray வந்து விடும்” என்று போட்டிருந்தது. பல தடவை செய்தும்    ப்லன் இல்லை.மற்றொரு நாள் இன்னொரு ஐடியா சொல்லியிருந்ததை செயல்படுத்தினேன்,ஆதாவது Power Button ஐ அழுத்திக்கொண்டு மெயின் Power Switch On செய்வது- இதுவும் பலனளிக்கவில்லை.

இந்த பிரச்சனையை சில நாள் ஆரப்போட்டுவிட்டு Paper Cutter முறையை செயல்படுத்திய போது Tray வெளியே வந்தது.பல முறை Eject - Close- Eject போட்டு முயன்ற பிறகு எல்லாம் சரியாகிவிட்டது என்று நினைத்து மூடிவிட்டேன்.ஆனால் சில நாட்களிலேயே அப்பிரச்சனை மீண்டும் வந்தது.Tray Moving Parts களில் கொஞ்சம் எண்ணெய் போட்டு வைத்தேன் அதற்கும் சரியாகவில்லை, சரி பீராய்சுடவேண்டியது தான் என்று Screw Driver மூலம் முயற்சித்தேன் ஆனால் அதில் உள்ள Screws எல்லாம் வேறு மாதிரி இருந்தது.சாதரணமான Star/flat Driver மூலம் கழற்ற முடியாத்தாக இருந்தது.பல கடைகளில் ஏறி இறங்கினாலும் கிடைக்க மறுத்தது.மற்றொரு நாள் வேறொறு Screw Driver மூலம் முயன்ற போது வெற்றி கிடைத்தது ஆனாலும் DVD Tray கழற்றுகிற மாதிரி இல்லாத்தால் அம்முயற்சியை கைவிட்டேன்.

கடைசியாக ஒரு வட்டை Tray உள்ளேயே வைத்து மூடி திறந்த போது Tray சொல் பேச்சை கேட்க ஆரம்பித்தது அதனால் எப்போதும் அதனுள் ஒரு வட்டு இருப்பதை உறுதிபடுத்திவிட்டால்  மூடி திறப்பதில் பிரச்சனை இருக்காது என்று தெரிகிறது.

என்னைப்போல் யாருக்காவது இதே மாதிரி பிரச்ச்னை இருந்தால் சல்லிக்காசு கொடுக்காமல் முயன்று பார்த்து வெற்றி தோல்வியை பகிர்ந்துகொள்ளலாம் அதற்கு பிறகு நான் Patent Register செய்யலாம் என்றுள்ளேன். :-)

விரைவுப் படகு

கடந்த வாரம் தோஹாவில் நடந்த விரைவுப்படகு போட்டியில் நடந்த விபத்து இது.
அதிரிஷ்டவசமாக சொற்ப காயங்களுடன் அதன் ஓட்டுனர்கள் தப்பித்தனர்.

படகுக்கு என்ன ஆசையோ? விமானம் போல் பறக்க ஆசைப்படுகிறது போலும்.

DVD வட்டில் இருந்து விஸ்டாவில் உள்ள மீவி எடிட்டர் மூலம் .wmv கோப்புக்கு மாற்றும் போது குரல் காணமற் போய்விட்டது.



நன்றி: வசந்தம் சென்ரல் தொலைக்காட்சி

DVD Recorder

ரொம்ப நாட்களாக இதன் மேல் ஒரு கண். இரண்டு வருடங்களுக்கு முன்பு ஒரு கணினி ஷோவில் இதை வைத்து இதன் அருமை பெருமைகளை சொன்னார்கள்.அப்போது இதன் விலை சுமார் 1200 சிங்கப்பூர் வெள்ளி.

2 மாதங்களுக்கு முன்பு இங்கு நடந்த மற்றொறு கணினி ஷொவில் இதையே 599 வெள்ளிக்கு கூவி விற்க ஆரம்பித்ததும்,சரி நாம் பிடிக்கும் நிலைக்கு வந்தது என்று எண்ணி செயலில் இறங்கினேன்.

போன வாரம் முஸ்தாபா மற்றும் ஏல விளம்பரங்கள் பார்த்த போது,பிலிப்ஸ் மாடல் 3360H ஐ ஒருவர் 470 வெள்ளிக்கு கொடுக்க ஒப்புக்கொண்டார்.இத்தனைக்கும் அதனுடன் 1 வருட கியாரண்டி மற்றும் 160GB கொள்ளலவுடன் கூடிய வன்பொருள் (Harddisk).
நம்பக்கூடிய கம்பெனி மற்றும் வன்பொருள் அளவு நமக்கு தேவைக்கு மேல் இருப்பதால்,இதை வாங்கலாம் என்று முடிவு செய்தேன்.

இந்த மாடலைப்பற்றி ஏதாவது யாராவது கம்ளெயின் செய்துள்ளார்களா என்று பார்த்தால்,சுமார் 75% சதவீதம் மக்கள் யூரோப்பில் உள்ளவர்கள் தான் கொடுத்திருந்தார்கள்.இது ஏனோ எனக்குள் உதைத்தது.கொஞ்சம் ஆரப்போடலாம் என்று முடிவெடுத்தேன்.

நேற்று கொஞ்சம் அலுவலகத்தில் இருந்து முன்னமே கிளம்பி, இங்கு நாங்கள் செல்லமாக அழைக்கும் சிங் கடைக்கு போனேன்.சேம்சங் புகைப்பட கருவி 6 Mega Pixel 200 வெள்ளிக்கு தருவதாக போட்டிருந்தார்கள். வாங்கி முன்னோட்டம் பார்த்த போது தேவலை என்று தோனியது மற்றும் பட்ஜெட் உள்ளேயும் இருந்ததால் வாங்கினேன்.இங்கு போட்டுள்ள படங்கள் அதில் எடுத்தவை தான்.

அப்படியெ கடையை அளந்த போது அவர்களிடமும் DVD recorder இருப்பதாகச் சொல்லி 850 வெள்ளி என்றார்கள்.அதில் வெறும் 80GB தான் கொள்ளலவு.வெளி விபரமே தெரியாது போல் இருக்கிறது.நமக்கும் தெரியாவிட்டால் சுமார் 300 வெள்ளி இழக்கவேண்டியது தான்.

வேலை முடிந்ததும் அப்படியே முஸ்தாபாவுக்குப்போய் திரும்பவும் ரெக்கார்டர்களின் பகுதியில் நேட்டம் இட்டபோது இந்த பிலிப்ஸ் மாடல் நன்றாக இருந்தது.விபரங்கள் கேட்டபோது..

1 வருட உலக உத்திரவாதம்,160 GB கொள்ளலவு என்று அடுக்கிக்கொண்டு போனார்.

எனக்கு தெரிந்த ஒரு விஷயத்தை அவரிடம் கேட்டேன்,ஆதாவது இந்த வன்பொருள் அளவு எனக்கு அதைகம் தேவைப்படும் போது,கணினியில் உள்ள மாதிரி வெளியில் வாங்கி மாற்றிக்கொள்ள முடியுமா? என்றேன்.

முடியாது என்றார்.

ஆனால் JVLab என்னும் மாடலில் இந்த மாதிரி செய்யமுடியும் என்று ஒரு ஃபோரமில் படித்தேன்.அதோடில்லாமல் DVD drive ஐயும் மாற்றிக்கொள்ள முடியுமாம்,என்ற மேல் விபரத்தையும் கொடுத்தேன்.

என்னை அவர் அதிசியமாக பார்த்தார்.:-))

அவரை மேலும் கலாய்காமல் கீழே உள்ள மாடலை வாங்கினேன்.(549 வெள்ளி)

சும்மா அட்டகாசமாக இருக்கிறது.
சில அட சமாச்சாரங்கள்.
இதை ஆனில் வைத்துவிட்டால் நீங்கள் வைத்திருக்கும் சேனலில் நிகழ்வுகளை 6 மணிநேர அளவில் சேமித்து வைத்திருக்கும்- தற்காலிகமாக.

நீங்கள் பதிக்கும் நிகழ்வுகளை வன் தட்டிலும் அல்லது வன் பொருளிலும் பதியலாம்,அதை எடிட்டும் செய்யலாம்.விளம்பரங்களுக்கு டாட்டா சொல்லலாம்.வன் தட்டை வேறு பிளேயரிலும் போடலாம்.இப்போது தான் மடிக்கணினியில் முயற்சித்தேன். No Probem.

மேல் உள்ள படம்,அதன் பக்கத்தில் உள்ள பகுதி,இதன் மூலம் உங்கள் Thumb drive மற்றும் வீடியோ கேமராவை Firewire போர்ட்டுடன் இணைத்து தரவிரக்கம் செய்யலாம்.
நம்மூரில் இதன் விலை சுமார் ரூபாய் 23000 என்று அவர்கள் வலைத்தளம் சொல்கிறது.வரி வேறு இருக்கும் என்று தோனுகிறது.
அனுபவிங்க..