காதலாகிக் கனிந்து..

தலைப்பு கவிதை மாதிரி இருக்கா?
அது என் தப்பு இல்லை, இது பாலகுமாரனனின் சுயசரிதை போல் எழுதிய புத்தகத்தின் தலைப்பு.



ஆரம்பத்தில் அவ்வளவு சுவாரஸ்யம் இல்லாமல் தான் படிக்க ஆரம்பித்தேன்,சில வரிகள் படித்தவுடன் ஆர்வம் தொற்றிக்கொள்ள ஆரம்பித்தது.என்ன தான் இவர் என்னவிட மூத்தவர் என்றாலும் பெரும்பாலான நிகழ்வுகள் எனக்கு நேர்ந்த மாதிரியே இருப்பதால் படிக்கப் படிக்க ஆர்வம் கூடுகிறது.அப்படி படித்த ஒரு பத்தியை தான் கீழே கொடுத்துள்ளேன்.திகவின் ஆதிக்கம் பெருகிய காலத்தில் இந்த மாதிரி ஆட்கள் கோவில்கள் பக்கத்தில் இருந்து கொண்டு பகுத்தறிவை வழங்கிக்கொண்டு இருப்பார்கள்.




இந்த நாவலில் பெரும் பகுதியை அவருடைய குரு விசிறிச்சாமியார் என்று புகழப்பட்ட “யோகிராம்சுரத்குமார்” க்கு ஒதுக்கிட்டார்.அவருடன் இவருக்கு உள்ள அனுபவம் இவரிடம் மறைமுகமாக கொண்டுவிட்ட காஞ்சிப்பெரியவர் என்று சுவாரஸ்யமான நிகழ்வுகளை அருமையாக வரிசைப்படுத்தியுள்ளார்.இவர் குமாரனுக்கு விசிறிச்சாமியார் முன்னின்று பூணூல் கல்யாணம் செய்துவைத்தது ஆச்சரியப்படவைக்கிறது.அந்த நிகழ்வு குறுந்தட்டில் இருக்காம்,யாராவது தெரிந்தால் யூடியூபில் ஏத்துங்கப்பா.

பாலகுமாரன் சினிமாவில் இருந்த போது ஏற்பட்ட அனுபவங்கள்,அவரது மனைவி சுகவீனம் அடைந்து பிழைத்தது மற்றும் இவர் திறந்த மார்புச்சிகிச்சை செய்துகொண்டது மற்றும் புகைப்பதற்கு எதிராகவும் சொல்லியுள்ளார் நாள் ஒன்றுக்கு 120 குச்சி பிடித்தவர்.இப்போது விட்டுவிட்டார் என்பது ஆறுதல் செய்தி.

பாலகுமாரனை பற்றி அறிந்துகொள்ள படிக்கலாம்.