வீடியோவில் இருந்து படம் எடுக்க.

கொஞ்ச நாட்களாக பிரிசன் பிரேக் தொடர் பார்த்துக்கொண்டு இருந்தேன்.அதை நான் ரியல் பிளேயர் மூலம் பார்த்தேன்.அப்படி பார்த்துக்கொண்டு இருக்கும் போது சில காட்சிகளை படமாக்க மாற்ற இயலுமா என்று கீ போர்டில் உள்ள Print Screen அழுத்தி எடுக்கப்பார்த்தேன்.

முயற்சி தோல்வியில் முடிந்தது.

அதுக்கு வழியில்லாமலா போய் விடும் என்று கூகிளாண்டவரிடம் கேட்டேன்.நிறைய பதில் கொடுத்தார்.ஆனால் என்னுடைய விருப்பம் வேறு மாதிரி இருந்தது.எந்த மென்பொருளையும் நிறுவாமல், இருக்கும் மென்பொருளை வைத்தே ஒப்பேற்ற வேண்டும்.

அதற்கும் வழி சொல்லியிருந்தது இங்கே.

அப்படி எடுத்து, அதை கொஞ்சம் வெட்டி இங்கு போட்டுள்ளேன்.

பாருங்கள்.



சரி,அங்கெல்லாம் போக எனக்கு நேரம் இல்லை என்கிறீர்களா??

இந்த செய்முறை W2K க்கு

வழி 1: உங்கள் வெறும் திரையில் எலிக்குட்டி மூலம் வலது சொடுக்கி Properties--->seettings--- Advanced---->Trouble Shooting--->Hardware Accelaration ஐ none பக்கம் கொண்டு வந்துவிடுங்கள்.

வழி 2: மேல் சொன்னதை செய்த பிறகு Real Player---->Tools--->Preference---->Hardware--->Video Card Compatability ஐ இடது பக்கத்துக்கு இழுத்துவிடுங்கள்.

அவ்வளவு தாங்க.

இப்ப Print Screen மூலம் வீடியோவில் உள்ளவற்றை படமாக சேமிக்க முடியும்.

Print Screen க்கு அப்புறம் எப்படி என்பதையும் சொல்லிடுங்களேன்,புதியவர்களுக்கு வசதியாக இருக்கும் என்கிறீர்களா?

இங்கு பார்க்கவும்.

இந்த திரைபிடித்தல் செய்ய மினிமம் உங்கள் வின்டோஸ் கணினியில் ஆபீஸ் மென்பொருள் இருந்தால் சுலபம்.
அதுவும் பவர் பாயிண்ட் இருந்தால் வசதி.
சரி மேட்டருக்கு வருவோம்.
நீங்கள் பிடிக்க நினைக்கும் திரையை திறந்து வைத்துக்கொள்ளவும்.
உங்கள் தட்டச்சில் F12 க்கு பக்கத்தில் பிரிண்ட் ஸ்கிரீன் என்ற கீ இருக்கும்,அதை ஒரு தட்டு தட்டிடீங்க.

இப்போது பவர் பாயிண்டை திறக்கவும்.

1.Blank Presentation.

2.Choose Layout-- கீழே உள்ள கடைசி கட்டத்தை தேர்வு செய்துகொள்ளவும்.(Blank)

3.அந்த வெள்ளைப்பகுதில் உங்கள் எலியை ரைட் கிளிக்கவும்,பேஸ்ட் Select செய்தால் அது அங்கே ஒட்டிக்கொண்டுவிடும்.

4.தேவையான அளவில் சுருக்கிக்கொண்டு பிறகு சேமிக்கும் போது அதை JPEG பைலில் சேமிக்க வேண்டும்.

அவ்வளவு தான்.