Tuesday, December 30, 2014

மடிக்கேரி (2) - சுற்றுலா

21 ம் தேதி டிசம்பர் Hilltown விடுதியில் தங்க ஏற்பாடு ஆகியிருந்தது.உள்ளே நுழைந்ததுமே ஏதோ ஒரு வாடை மூக்கை துளைத்தது.தேவையான விபரங்களை கொடுத்ததும் அறை முடிவானது.நல்ல வேளை அந்த அறையில் அந்த வாசம் இல்லை.சுமாராக பராமரிக்கப்படுகிறது. பெரிய அளவு எதிர்பார்ப்பு இல்லாததால் அந்த அறையே போதும் என்று முடிவு செய்தோம்.மதிய நேரம் மட்டுமே இருப்பதால் அதற்குள் என்னென்ன இடங்கள் செல்ல முடியும் என்று விடுதி முகவரிடம் கேட்டதற்கு அவர் ஒரு எண் கொடுத்து அவரிடம் பேசிக்கொள்ளுமாறு சொன்னர். பேசிய நபருக்கு குறைவான தமிழ்/ஆங்கிலம் தெரிவதால் அவர் ஆலோசனையின் படி இன்று மதியம் உள்ளூரை சுற்றிவிடுவோம் மறுநாள் வெளியில் உள்ள இடங்களை பார்க்கலாம் என்றார். அரை நாளுக்கு டாடா இண்டிகா ரூ 600 என்று பேசி முடித்தோம்.

முதலில் அப்பி நீர் வீழ்ச்சி.

குற்றாலத்தின் பாதி உயரம் மட்டுமே.பேருந்துவில் போனால் கொஞ்சம் தூரம் நடக்கவேண்டும்.காரில் போனால் அவ்வளவு தூரம் நடக்கவேண்டியது இல்லை.



இந்த நீர்வீழ்ச்சியை பார்வையிட ஒரு தொங்குபாலமும் இருக்கு.மழைக்காலத்தில் இன்னும் நிறைய நீர் கொட்டும் என்று நினைக்கிறேன்,


இங்கு சுமார் 1 மணி நேரம் கழித்த பிறகு Raja Tomb என்ற இடத்துக்கு சென்றோம்.உச்சியில் தாஜ்மஹால் மாதிரி அமைப்பு இருந்தாலும் முகப்பில் இந்து கோவிலுக்கு உரிய சின்னங்கள் இருந்தன.இங்கு பெரிதாக பார்க்க ஏதும் இல்லை,




அடுத்ததாக போன இடம் கோட்டையும் அதனருகே இருக்கும் கலை பொருட்காட்சியகமும்.பெரியதாக ஈர்கக்கூடிய சமாச்சாரங்கள் எதுவும் கண்ணில் படவில்லை.




இது முடிந்த பிறகு இருக்கும் ஒரே கோவிலுக்கு போனோம்.வித்தியாசமான அமைப்பில் உள்ள கோவில் இது.



கடைசியாக ராஜா சீட் - சூரிய அஸ்தமனத்தையும் மடிகேரியின் ஒரு பகுதி அழகையும் மேலிருந்து பார்க்கும் வண்ணம் அமைந்துள்ளது இந்த இடம்.



பள்ளிக்குழந்தைகள்




மாலையானதுமே நல்ல குளீர் எடுக்க ஆரம்பித்துவிடுகிறது.மரக்கறி உணவகங்கள் நிறைய இருப்பதால் சாப்பாட்டுக்கு அவ்வளவு பிரச்சனை வரவில்லை.

அடுத்தது தலைக்காவிரி...

2 comments:

  1. இரு பகுதிகளையும் ஒன்றாக படித்து முடித்தேன். அடுத்த பகுதிக்கான ஆவலுடன் நானும் காத்திருக்கிறேன்.

    ReplyDelete
  2. நன்றி வெங்கட். நாகராஜ் .

    ReplyDelete

ஏதாவது சொல்ல விரும்புகிறீர்களா?