Sunday, February 23, 2014

ஸ்டென்சில்

எனக்கு இதில் ஆர்வம் எப்படி வந்தது என்று யோசித்து பார்த்த போது L&T-ECC யில் வேலை பார்த்துக்கொண்டிருக்கும் போது வேலை பார்க்கும் இடத்தில் தேவைப்படும் விளம்பரங்களுக்கு அங்குள்ளவர்கள் மெலிதான ஷீட்டில் எழுதி வெட்டி அதன் மீது ஸ்பிரே பெயிண்ட் மூலம் தேவையான இடங்களில் விளம்பரம் செய்வார்கள்.இதை எதேச்சையாக பார்த்த போது எனக்கு ஒன்றும் தோன்றவில்லை ஆனால் சிங்கையில் வீடு வாங்கிய போது அதன் தரை வெருமையாக இருந்த போது ஏதாவது செய்யலாம் என்று  முடிவு செய்த போது தான் இந்த யுக்தி மண்டையில் உதித்தது.அப்படி செய்தேன்,அது சுமார் 15 வருடமாகிவிட்டது.

சமீபத்தில் நிறைய நேரம் இருந்தபோது என்ன செய்யலாம் என்று யோசித்துக்கொண்டிருக்கும் போது கண்ணெதிரே தோன்றியது இந்த சுவர் தான்.



முதல் டிசைன்.

Washable Paint என்று விளம்பரம் வந்த போது முயற்சிக்கலாம் என்று பட்டி பார்த்து அதன் மீது இப்பெயிண்ட் அடித்தோம்.இச்சுவரும் வெருமையாக இருந்ததால் இதன் மீதும் ஏதாவது செய்யலாம் என்ற எண்ணம் வந்த போது பல வித டிசைகளை பார்த்து நம்மால் என்ன செய்ய முடியும் என்று பார்த்து இந்த டிசைனை தேர்ந்தெடுத்தேன்.

முதலில் சாதாரண பேபரில் பிரிண்ட் எடுத்துவைத்தேன் ஆனால் மறுநாள் ஏதோ தேடிக்கொண்டிருக்கும் போது பழைய போடோ பிரிண்ட் எடுக்கக்கூடிய பளபளப்பான தாள் இருப்பதை பார்த்ததும் ஐடியா மாறி இதன் மீது பிரிண்ட் எடுத்தால் பெயிண்ட் அடிப்பது இலகுவாக இருக்கும் என்று எண்ணி மேலும் ஒரு பிரிண்ட் எடுத்தேன்.பிறகு தேவையான இடத்தில் வெட்டினேன்.இதற்கு தான் 3 மணி நேரம் ஆனது.

பழைய பேனாவில் கொஞ்சம் ஸ்பான்ச் வைத்து அதன் மீது பெயிண்ட் ஒட்டி அதன் மூலம் சுவற்றில் பிரதி எடுத்தேன்.நடுவில் வேலை வந்துவிட்டதால் தொடரமுடியாமல் அவ்வப்போது கிடைக்கும் நேரத்தில் கொஞ்சம் கொஞ்சமாக பிரதி எடுத்து இன்று தான் முடிந்தது.

இதுவே கொஞ்சம் பெரிய தாளாக இருந்தால் ரோலர் பிரஸ் மூலம் இன்னும் வேகமாக செய்யமுடியும்.அமேசான்.in கிடைக்கிறது என்று நினைக்கிறேன்.கொஞ்சம் விலை அதிகமாக இருக்கிறது,

பாதி வேலை முடிந்தபோது..




முழு வேலை இன்று தான் முடிந்தது,அது கீழே.





நேரம் கிடைக்கும் போது ஹாலில் உள்ள சுவருக்கு ஏதாவது செய்யவேண்டும்,பார்ப்போம்.

6 comments:

  1. அழகாக உள்ளது... பொறுமைக்கும் ரசனைக்கும் பாராட்டுக்கள்...

    ReplyDelete
  2. ரொம்ப பொறுமையா செஞ்சு இருக்கீங்க....
    இப்போதெல்லாம் நிறைய ஸ்டென்சில் டிசைன்கள் ரெடிமேடாகவே கிடைக்கிறது.ரோலர் பிரஷ் 100 ரூபாயில் இருந்து 550 வரை எல்லா பெயிண்ட் ஷாப்களிலும் கிடைக்கிறது.டெக்ச்ர் டிசைன்களும் நிறைய வந்து இருக்கின்றன.....

    ReplyDelete
  3. வாங்க கோவை நேரம்.டெக்சர் டிசைனா? கேள்விப்பட்டதில்லை.ரெடிமேட் ஸ்டென்சில் விலை அதிகமாக உள்ளதே? பொழுது போகாமல் சும்மா இருக்கும் நேரத்தை இப்படி செலவழிக்கலாம். :-)

    ReplyDelete
  4. நல்லா இருக்கு.....

    ReplyDelete
  5. நன்றி வெங்கட் நாகராஜ்

    ReplyDelete

ஏதாவது சொல்ல விரும்புகிறீர்களா?