Wednesday, August 14, 2013

நாங்களெல்லாம் யாரு??

வீட்டில் ஏர் டெல் அகலக்கட்டை இணையம் சுமார் 5 வருடங்களுக்கு முன்பு வாங்கியது, அப்போது கம்பில்லா சேவை அவ்வளவாக பிரபலம் இல்லாததால் வெறும் DSL modem கொடுத்திருந்தார்கள்.

Smart Phone வந்த பிறகு கைக்குள்ளேயே கணிணி பயண்பாட்டுக்கு வந்த பிறகு ஆளுக்கு  ஏற்ற மாதிரி பல வித  டேட்டா பிளான்கள் போட்டு பாக்கெட்டைஓட்டை போட்டுக்கொண்டிருந்தார்கள். என்னுடைய தேவை கொஞ்சம் என்பதாலும் வீட்டில் இருக்கும் தொலைப்பேசிகள் அவ்வளவுக்கும் டேட்டா பிளான் போட்டால் நிறைய இழக்க வேண்டி வரும் என்பதால் இப்போதிருக்கும் இணைப்பையே கைப்பேசிக்கும் உபயோகிக்க உண்டான வழிகளை தேடினேன்.

எல்லா வழிகளிலும் தேடியபிறகு, இருக்கும் மோடத்துடன் Wireless
Router இணைத்தால் காரியம் முடிந்துவிடும் போல் இருந்தது. வின்டோஸ் கணிணி என்றால் இறங்கிவிடலாம் ஆனால் என்னிடம் இருப்பது லினக்ஸ் அதுவும் மேம்பாடு செய்ய முடியாத நிலையில். இணையம் முழுவதும் தேடினேன் அதன் பிறகு குறைந்த விலையில் என்காவது கிடைக்குமா என்று தேடியதில் FB-Moore Market இல் போட்டிருப்பது தெரிந்தது.என்னுடைய தேவைக்கு ஏற்ற மோடத்தை எதிர்பார்த்து காத்துக்கொண்டிருக்கும் வேளையில் வீட்டுக்கு வந்த மச்சினர் இங்கு கம்பியில்லா இணைய தொடர்பு இருக்கா என்றார்? அதற்கான மோடத்தை தேடும் கதையை அவரிடம் சொன்ன போது தன்னிடம் ஒரு பழைய Router இருப்பதாகவும் தேவை என்றால் கொடுக்கிறேன் என்றார்.ஆராய்சி செய்ய என்ன கஷ்டமா என்ன? கொடுங்கள் என்றார்.

வந்தது, தேவையான இணைப்புகளை கொடுத்த போது சமிக்கை விளக்குகள் சரியாக காண்பித்தன.சரி உயிர் இருக்கிறது என்ற முடிவுக்கு வந்தேன். ஏற்கனவே இருந்த செட்டிங்கில் மடிக்கணினியை இணைத்த போது வேலை செய்தது ஆனால் தொலைப்பேசியில் இணைய இணைப்பை Open என்று காண்பித்தது. இப்படி இருந்தால் யார் வேண்டுமென்றால் என்னுடைய இணைப்பு மூலம் இணையத்தில் உலா வரமுடியும். இதை நிவர்தி செய்ய கூகிளிடம் தேடி Router செட்டிங்கை மாற்ற போய் எல்லாம் குழப்படியாகி எதுவுமே சரியாக வேலை செய்யவில்லை. இரவு மணி 10.30 ஆகிவிட்டதால் அப்படியே மூடிவிட்டு தூங்க போய்விட்டேன்.

இன்று காலை மறுபடியும் அதோனோடு போராட ஆரம்பித்தேன்.இணையத்தில் சொல்லியிருந்த வழிகளை ஒவ்வொன்றாக செயல்படுத்தி தோல்வி கண்டுகொண்டிருந்தேன்.இவ்வேளையில் நாம் ஏன் ஏர்டெல் சேவைமைய அதிகாரியை தொடர்பு கொண்டு ஆலோசனை கேட்ககூடாது என்று தோனியதில் 121 ஐ கூப்பிட்டேன். மவராசி எடுத்தாங்க,எனக்கு  தேவையான விபரங்களை கேட்டேன்  அவர்களுக்கு வேண்டிய விபரங்களையும் கொடுத்தேன்,கடைசியாக அவர்களிடம் நான் Linux யில் உள்ளேன் உங்களால் முடியுமா என்றேன். மோடம் கேபிளை கணிணியில் இணையுங்கள் அதன் பிறகு உங்களுக்கு தேவையான விபரங்களை சொல்லிவிட்டு பாட்டு போட்டு போய்விட்டார்கள். சில நிமிடங்கள் கழித்து பார்க்கும் போதும் பாட்டு தான் ஓடிக்கொண்டிருந்தது, இது வேலைக்கு ஆகாது என்று கூகிளில் வேறு மாதிரி தேடிய போது கீழே சொன்ன மாதிரி செய்தவுடன் எல்லாம் சரியாக வேலை செய்தது. இதில் முக்கியமானது மோடம் மற்றும் router கேபிளை LAN யில் இணைக்க வேண்டும்.இது தெரியாமல் ஒரு மணி நேரம் அவஸ்தைப்பட்டேன்.

 1. Connect PC directly to modem and open the config url.

2. Go to Advanced Setup>LAN, enter the DHCP start ip as 192.168.1.4 and end .100, save & reboot.

3. Connect PC directly to Wireless Router. Open the web-based setup page.

4. Under Setup>Internet, select Obtain IP automatically and leave the fields blank.

 5. Under Network Setup, enter the Router IP as 192.168.1.3, disable DHCP server and save settings.

6. Configure the Wireless settings (SSID and authentication) to your liking, save settings and reboot the router.

7. Connect the modem and router with the router end of the cable connected to one of the 4 LAN ports (NOT the INTERNET port).

8. Connect your PC's to the routers remaining 3 LAN ports and laptops via wifi and you should be good to go.

மோடம்/ router க்கு தேவையான Configuration ஐ http:// 192.168.1.1 or 3 யில்  பார்க்கலாம். 

   

2 comments:

  1. வடுவூரார்,

    ரொம்ப நாளேச்சே என்னாச்சுனு பார்க்கலாம்னு வந்தால், தொழில்நுட்ப பதிவெல்லாம் போட்டு கலக்கிட்டு இருக்கிங்க :-))

    ரொம்ப நாளுக்கு முன்ன இதே போல வயர்லெஸ் ரூட்டர் கம் மோடம் என பயன்ப்படுத்தியுள்ளேன், இதற்கு மோடமே தேவையில்லை, நேராக கனெக்‌ஷன் கொடுக்கலாம், ஏதேனும் ஆதண்டிகேஷன் செய்ய வேண்டியிருக்குமோ தெரியலை.

    ஆனால் உள்ள எல்லா செட்டிங்குமே வழக்கம் போலத்தான் இருக்கும்.

    டிஎஸெல் கனெஷனை நேரடியாக வயர்லெஸ் மாற்ற ,இது போல ரூட்டர் எல்லாம் கூட போட வேண்டாம் வயர்லெஸ் பிரிட்ஜ்னு ஒன்னு இருக்கு அது சுமார் 1500 -2000 ரூ வரும் வாங்கி ,கேபிள் மோடம் கூட மாட்டிக்கலாம் எத்தினி வயர்லெஸ் டிவைஸ் இருந்தாலும் கனெக்ட் செய்துக்கலாம்.

    எதிர்காலத்தில் அப்படி ஒரு வயர்லெஸ் பிரிட்ஜை வாங்கனும்னு நினைச்சாலும், கேபிள் + யுஸ்பி டாங்கில் போடும் வயர்லெஸ் பிரிட்ஜ் வாங்கிக்கொள்ளவும்.

    பழைய வயர்லெஸ் ரூட்டர் என்பதால் செலவு மிச்சம், மேலும் நெக்ஸ்ட் டைம் ஏர் டெல் டெக்னிஷியன் வந்தால் நேரடியாக ரூட்டரில் கனெக்ட் செய்ய சொல்லிடுங்க, அப்புறம் லினக்ஸ், வின்டோஸ் என்றெல்லாம் வயர்லெஸ் ரூட்டர் வித்யாசம் பார்ப்பதில்லை, நமக்கு நெட் கனெக்ட் ஆக நம்ம சிஸ்டத்தில் உள்ல லினக்ஸ் பேக்கேஜில் இருக்க வயர்லெஸ் செட்டிங்கே காரணம், எனக்கு உபுந்து தானாகவே வை-பை கனெக்ட் ஆகிடும், இத்தினிக்கும் நான் லினக்ஸ் கை நாட்டு அவ்வ்!

    ReplyDelete
  2. வாங்க வவ்வால், எல்லாவற்றையும் சொல்லிட்டு கடைசியில் "கை நாட்டு" என்று சொல்லிட்டீங்களே?? :-)
    நீங்கள் சொல்லிய மாதிரி இந்த மோடத்தில் DSL இணைப்பை நேரடியாக கொடுக்கலாம் என்று நினைத்து ஏர்டெல் உதவி மையத்தை கூப்பிட்டேன்,தேவையானதை சொல்லிட்டு கடைசியில் நான் லினக்ஸில் இருக்கேன் என்றவுடன் .....அவ்வளவு தான்.
    தேவையான விபரங்கள் கூகிளாண்டவரிடம் இருக்கா என்று பார்க்கவேண்டும்.
    மேல் விவரங்களுக்கு மிக்க நன்றி.

    ReplyDelete

ஏதாவது சொல்ல விரும்புகிறீர்களா?