மாக் (Mak) கார்டூன்

சிங்கையில் வேலைக்கு சேர்ந்த (1995) போது அறிமுகமானவர் திரு மாக், நிலவியலில் வேலை,மலேசிய-சீனர். எனக்கு நிலவியலில் சிறிது அறிவு உள்ளது என்பதால் என்னுடன் பழகுவார்.ஒருமுறை மலேசியாவில் வேலை செய்துகொண்டிருக்கும் போது வெடி வைத்து தகர்க்கும் பாறைக்கு அருகில் வேலை செய்துகொண்டிருந்ததால் ஒரு காது கேட்கும் சக்தியை இழந்துவிட்டது ஆனாலும் அவ்வப்போது நான் வேறு யாருடன் பேசும் போது தானும் பதிலலித்து அசத்துவார்.எனக்கு பக்கத்து மேஜை என்பதால் அவ்வப்போது காகிதத்தில் ஏதோ கிறுக்கிக்கொண்டிருப்பதை கவனிக்க நேரிடும். ஒரு நாள் என்ன தான் கிறுக்குகிறார் என்று பார்த்த போது தூரத்தில் உட்கார்ந்துகொண்டிருக்கும் முதன்மை அதிகாரியை வரைந்துகொண்டிருந்தார்,அப்படியே தத்ரூபமாக இருந்தது.

அதே கை என்னையும் போட்டுபார்த்தது தான் கீழே.
1996 பிறந்த நாள் போது..

ஏதோ சில விபர காகிதங்களை தேடும் போது இப்படங்கள் கிடைத்தது.

நூலகத்தில் பதிவர்கள்.

போன ஞாயிறு எப்போதும் போவது போல் Choa Chu Kang நூலகத்துக்கு போய் தமிழ் நூல்கள் இருக்கும் இடத்தில் அப்படியே தேடிக்கொண்டிருக்கும் போது நமது பதிவர்கள் இருவர் புத்தகங்கள் காண கிடைத்தது.

ஒன்று நமது பதிவர் உலகத்தில் “தல” என்றழைக்கப்படும் பால பாரதியின் “அவன் - அது= அவள்”, இரண்டாவது டி பி ஆர் என்றழைக்கப்படும் திரு ஜோசப் ஐயாவின் ”சந்தோஷமாக கடன் வாங்குகள்” என்ற புத்தகம். இவ்விரண்டு புத்தகங்களும் நான் எதிர் பார்க்காமல் கிடைத்தது.




பல பதிவுகள் இவ்விரு புத்தகங்களை அலசிவிட்டதால் அதைப் பற்றி திரும்பவும் சொல்லப்போவதில்லை.

முதல் புத்தகம் என்னை மாதிரி 45 வயதை கடந்தவர்களுக்கே இதுவரை புரிபடாத விஷயங்களை புரியவைத்தன.நல்ல எழுத்து நடை இன்னும் மிளிர நிறைய வாய்ப்புகள் இருக்கிறது.

இரண்டாவது புத்தகத்தை படித்துவிட்டு தேவையானவற்றை கையில் வைத்துக்கொண்டு பேங்குக்கு போனால் 90% லோன் கிடைக்கும் என்று நினைக்கிறேன்.பலதரப்பட்ட மக்களை மனதில் வைத்து அனைவருக்கும் பயனளிக்கும் படி கொடுத்துள்ளார்.

மார்பக புற்று நோய்

நம்மில், மறைந்த பதிவர் அனுராதாவை தெரியாமல் இருக்கமுடியாது.இரண்டு நாட்களுக்கு முன்பு இங்கு செய்தியில் போட்ட இந்த நகர்துண்டை பார்த்தபோது அவர்கள் ஞாபகம் தான் வந்தது.அது உங்கள் பார்வைக்கு இங்கு.

சிலர் மீண்டுவருவதாக சொல்கிறார்கள் அதில் அனுராதா இல்லாதது தான் சோகம்.




நன்றி:வசந்தம் சென்ரல்.

கனியன்

கனியன் - இவர் நம்மைப்போல் தமிழில் ஒரு பிளாக்கர் வைத்துள்ளார்,பிறர் பதிவுகளை படிப்பதோடு சரி,பின்னூட்டம் எல்லாம் அவ்வளவாக போடாததால் பலருக்கு அவரைப்பற்றி தெரியாது.

இவரின் அறிமுகம் எனக்கு சில வருடங்கள் ”முத்தமிழ் மன்றம்” மூலமாகத்தான் கிடைத்தது.அவரும் சிங்கையில் இருந்ததால் தொலைப்பேசி எண்களை பரிமாறிக்கோண்டோம் ஆனால் பேசியதோ ஒரே ஒரு முறை தான்,அதுவும் சுமார் 1.5 வருடங்களுக்கு முன்பு என்று நினைக்கிறேன்.போன வாரம் திடிரென்று அழைத்தார்,அலுவலக தொலைப்பேசி எண் வந்ததால் யாரென்று முதலில் கண்டுபிடிக்கமுடியவில்லை,பிறகு அவரே சொன்னார்.பேசிக்கொண்டிருக்கும் போது இந்த வார இறுதி என்ன பண்ணப்போகிறீர்கள் என்றார்.சனிக்கிழமை சன் டெக் சிட்டி போய் கணினி பொருட்காட்சிக்கு போகலாம் என்று நினைத்துக்கொண்டிருக்கேன் என்றேன்,சரி நானும் வருகிறேன் அங்கு சந்திக்கலாம் என்றார்.சனிக்கிழமை நான் கிளம்பும் முன்பு தொலைப்பேசுகிறேன் என்று சுத்தமாக மறந்துவிட்டேன்.சுமார் 2 மணிக்கு அவரே திரும்ப அழைத்தார்,அதற்குள் கோவியார் வேறு 8 பேருடன் அங்கு வருவதாக சொல்லியிருந்தார்.அதன் பதிவை இங்கு பார்க்கலாம்.

கனியன் மீடியா துறையில் இருப்பதால் பெறும் தலைகளை அவ்வப்போது சந்திக்க நேரிடலாம் அப்படி மிக முக்கியமான ஒருவரை சந்தித்ததை கீழே பார்க்கலாம்.நம்ம முன்னாள் ”தலை” திரு அப்துல் கலாமுடன் அவர் கண்ட பேட்டியை கீழே கொடுத்துள்ள்ளேன்,பார்த்து மகிழுங்கள்.திரு கலாம் நல்லாவே பாடம் எடுக்கிறார்.:-)
பாகம் 1


பாகம் 2





நன்றி:வசந்தம் சென்ரல்

சுப்பையா சாருக்காக...

நம்ம வலையுலக வாத்தியார் சுப்பையா சார் ஜோதிடம் பற்றிய பதிவுகளில் பிரபலம்,அதில் படம் போட்டிருக்கார் ஆனால் அது குறித்து நகர் படம் ஏதும் போட்டிருக்காரா என்று ஞாபகம் இல்லை.

அவர் பதிவுகளில் ஜோசியம் பற்றிய பதிவுகளை தொடர்ந்து படித்தாலும் ஒரு அளவுக்கு மேல் என் மண்டையில் ஏறவில்லை அதனால் நிறுத்திக்கொண்டேன்.

சற்று முன் இந்தியா பற்றிய பி பி சி யின் விவரனப்படம் (part 5 of 6) பார்க்கும் போது இந்த பகுதியில் அவர் ஞாபகம் வந்தது,அப்படியே எடுத்து போட்டுவிட்டேன்.

உங்கள் வகுப்பறை கண்மனிகளுக்கு உபயோகமாக இருக்கக்கூடும்.



நன்றி: பி பி சி

நடத்துனர் எச்சில் நமக்கில்லை

1980 களில் சென்னை வந்த புதிதில் பல பஸ்களில் பயணம் செய்யும் போது நடத்துனர்களின் இந்த எச்சில் பழக்கம் வெகுவாகவே என்னை கஷ்டப்படுத்தும்.அந்த மாதிரி சமயங்களிலும் ஓரிரு பஸ்களில் உள்ள நடத்துனர்கள் கைவிரலில் ஒரு மோதிரம் போட்டுக்கொண்டு அதன் மேல் பகுதியில் சின்ன ஈர பஞ்ஜை வைத்துக்கொண்டு அதனை தொட்டுக்கொண்டு பயணச்சீட்டு கொடுப்பார். அப்போது அது ஒரு அருமையான கண்டுபிடிப்பாக இருந்தாலும் அதை பலர் உபயோகப்படுத்தவில்லை என்பது தான் நிஜம்.

ஒரு பழைய நண்பனை ஆர்குட் மூலம் கண்டுபிடித்து நேற்று அவனை திருவள்ளூரில் சந்திப்பதாக தொலைபேசி முடிவுசெய்துகொண்டேன்.அவனும் நான் இருக்கும் இடத்தில் இருந்து போரூருக்கு வந்து அங்கிருந்து பேருந்து பிடித்து திருவள்ளூர் வரச்சொல்லியிருந்தான்.
நான் ரயிலில் போகலாம் என்றிருந்தேன்,இது குறுக்கு வழியாக இருக்கும் போல் தோனியதால் சுமார் 2.30 மணிக்கு கிளம்பினோம். மதிய வெய்யில் வத்திக்குச்சி இல்லாமலே பற்றிக்கொள்ளும் அளவுக்கு இருந்தது.புதிதாக வாங்கிய ரேபான் கிளாஸ் கண்ணை காப்பாற்றி தலைவலியில் இருந்து தப்பிக்கவைத்தது.

ஆவிச்சி பள்ளியில் இருந்து போரூருக்கு Share Auto மூலம் 8+8 ரூபாய்க்கு போய் சேர்ந்தோம்.

போன சிறிது நேரத்திலேயே தி.நகர் to திருவள்ளூர் செல்லும் அரசு விரைவுப்பேருந்து தாழ்வு தள அமைப்புடன் வந்திருந்தது.உள்ளே நினைத்துப் பார்க்கமுடியாத அளவுக்கு சுத்தமாக இருந்தது.கீழே உள்ள படத்தை பார்க்கவும்.



பயணச்சீட்டு கொடுக்கும் முறையும் எச்சில் பண்ணவேண்டிய அவசியமில்லாத அளவுக்கு ஒரு சின்ன இயந்திரம் நடத்துனர்களின் கையில்.செல்லும் இடம் சொல்லப்பட்டவுடன் பித்தானை அமுக்கி கீழே உள்ள மாதிரி பயணச்சீட்டு கொடுக்கிறார்.அந்த இயந்திரம் அவ்வளவு பெரிதாக இருக்கவேண்டுமா? என்று தோனியது.




சுமார் ஒரு மணி நேரத்தில் திருவள்ளூர் அடைந்தது.போனவுடன் நண்பனுக்கு தொலைப்பேசி இருக்கும் இடத்தை சொன்னவுடன் ஒரு வண்டி அனுப்பி எங்களை அவன் இடத்துக்கு அழைத்துப்போனான். சந்தித்து சுமார் 18 ஆண்டுகள் கழித்து திரும்பவும் சந்திப்பது சந்தோஷமாக இருந்தது.அவன் மூலம் மேலும் பல நண்பர்களின் மினஞ்சல் முகவரிகள் கிடைத்தது.

சிறிது நேரம் பேசிக்கொண்ட பிறகு அங்கிருக்கும் சில கோவில்களுக்கும் போகலாம் என்று கிளம்பினோம்.முதலில் வீரராகவ பெருமாள் கோவில்.

நாங்கள் போனபோது உஸ்தவரின் ஊஞ்சல் நிகழ்ச்சி நடைபெற்றுக்கொண்டு இருந்தது.அதன் படங்கள் கீழே..








அதன் பிறகு புட்லூரில் உள்ள அங்காள பரமேஸ்வரி கோவிலுக்கு போனோம்.இங்கு ஒரு பெரிய புற்று தான் தெய்வ உருவில் இருக்கு.பலர், பூ மேல் இருக்கும் எலுமிச்சையை முந்தானையில் வாங்கிக்கொள்கிறார்கள். என்ன ஐதீகம் என்று தெரியவில்லை.

பஞ்சமுக ஆஞ்சநேயர் கோவில் பக்கத்தில் இருந்தாலும் நேரம் இல்லாத காரணத்தால் வீடு திரும்ப நேரிட்டது.

ரியாக்டர்-தமிழில் மறந்து போய் விட்டது.

நண்பர் ஒருவர் மின் அஞ்சல் மூலம் இந்த படங்களைஅனுப்பியிருந்தார்.
கட்டுமானத்துறையில் இப்போது கான்கிரீட் பயண்பாட்டை குறைத்து ஸ்டீலுக்கு மாறிக்கொண்டு இருக்கிறார்கள் அந்த விதத்தில் இந்த் ரியாக்டர் எப்படி ஆரம்பித்து எப்படி வெளியேறுகிறது என்று பாருங்கள்.

கிழே உள்ள படத்தில் உள்ள ரியாக்டர் வெல்டிங் வேலைகள் முடிந்து டெஸ்டிங்காக தயார் நிலையில் இருக்கிறது.



பூஜையை முடிச்சிடலாமா?



லார்சன் & டூப்ரோ வில் இதே மாதிரி பெரியவேலைகள் முடியும் போதும் பூஜை நடைபெறுவது வழக்கம்.



பூஜை முடிந்த பிறகு நியூமேடிக் டெஸ்டிங்



அப்பாடி நல்ல படியாக டெஸ்டிங் முடிந்தது.



அப்புறம் தூக்கிட்டு போக வேண்டியது தான்,என்ன கொஞ்சம் பெரிய வண்டியாக வேண்டும்.அதற்காக பஞ்சம் நம்மூரில்..




ரியாக்டரை இன்னும் கொஞ்சம் பக்கத்தில் காட்டய்யா!!இதோ



தண்ணீர் வழியாக கப்பலில் ஏற தயராக கொண்டுவந்திட்டாங்க..



அவ்வளவு தான் தண்ணீரில் ஏற்றிய பிறகு எங்கள் பணி முடிந்த்து என்ற பெருமூச்சுடன்..ஒரு குரூப் போட்டோ எடுத்துக்கலாமா?

கடைசியில் பாருங்கள்.




வாழ்த்துக்கள் நண்பர்களே,ரொம்ப நாள் கழித்து இந்த மாதிரி படங்களை பார்க்கும் போது திரும்ப அங்கு வேலைக்கு சேர்ந்த மாதிரி ஒரு தெம்பு கிடைக்குது.

ஜெயந்தி சங்கர் -பாகம் 2

போன பதிவில் “இன்பா” பற்றி சொல்லியிருந்தேன் அதில் அவர் சொல்லிய முக்கியமான விஷயம் ஒன்று விட்டுப்போய்விட்டது.

குழந்தைகள் பெரியோர்களை வயதான காலத்தில் கவனித்துக்கொள்வதில்லை என்ற பொதுவான கருத்து நிலவுதலை கொண்ட ஒரு கதையை(ஜெயந்தி சங்கர் எழுதியது) பற்றி குறிப்பிட்டு அதன் தொடர்பில் ஒரு சம்பவத்தை குறிப்பிட்டார்.

ஒருமுறை அலுவலகத்தில், முதியோர் நல அமைப்புக்காக நிதி திரட்டும் உண்டி குலுக்கிக்கொண்டு இருக்கும் போது (ஆர்சட் சாலை) ஒரு வெளிநாட்டவர் இவர் உண்டியலை பார்த்து எதற்கு நிதி சேர்க்கிறீர்கள் என்று கேட்டாராம்.பதில் சொன்னவுடன் 50 வெள்ளி உண்டியலில் போட்டுவிட்டு...

நீங்கள் குழந்தைகளுக்கு, பெரியவர்களை எப்படி கவனித்துக்கொள்ளவேண்டும் என்று சொல்லிக்கொடுக்கிறீர்களா? என்று கேட்டாராம்.பளார் என்று அறைந்தது போல் இருந்தது என்று சொன்னார்.எனக்கும் தான்... நாம் சரியாக சொல்லிக்கொடுக்கிறோமா?!!

அடுத்து வந்தவர் திரு பாஸ்கர்,இவர் எடுத்துக்கொண்ட புத்தகம் கவிதை மொழிபெயர்ப்பு ”சீனக்கவிதைகளின் பிரதமைகள்”



இவர் இப்போது கணினி வரைகலை பிரிவில் வேலை செய்வதாகவும்,தூரிகாவில் குழந்தைப்படம் வரைந்ததாகவும் அக்குழந்தையும் இங்கு வந்திருப்பதாக சொன்னார்,தொகுப்பாளினி.ஆமாம் “தூரிகா” என்ன புத்தகமா? எனக்கு தெரியவில்லை.

பல பக்கங்களில் டேக் எனப்படும் துண்டுசீட்டை வைத்துக்கொண்டிருந்தார்.முழு புத்தகத்தையும் அலசி ஆராய்ந்தார்.திருமதி ஜெயந்தி சங்கர் இந்த புத்தகத்தை எழுதுவதற்கான பொறி கிடைத்ததையும் அதன் மூலம் எப்படி விரிவானது என்று சொன்னார்.கவிதைக்கும் எனக்கும் ஒரு காத தூரம் அதனால் அவ்வளவாக மனதில் கொள்ளவில்லை.அவ்வப்போது பேசும் மேஜைக்கு பக்கத்தில் அங்கும் இங்கும் நடந்துகொண்டு சொன்னதால் கவனம் ஒரே இடத்தில் இல்லாமல் காப்பாற்றப்பட்டது.

அடுத்து வந்தவர் “பால மனோகரன்”இவருக்கு முன்பு பேசியவர்கள் சிறிது நேரம் அதிகமாக எடுத்துக்கொண்டதால் பேசுவதற்கு முன்பே “நான் 10 நிமிடம் தான் பேசப்போகிறேன்” என்றார்.
நாவல்கள் படித்து பல வருடங்கள் ஆகிவிட்டதால் ஜெயந்தி சங்கர் நாவல் மூலம் திரும்ப படிக்க ஆரம்பித்ததாக சொன்னார்.பொருளீட்டலில் காலம் ஓடிக்கொண்டு இருப்பதால் படிக்க அவ்வளவு நேரம் செலுத்த முடியவில்லை என்று சொன்னார்.இவர் எடுத்துக்கொண்ட நாவலின் பெயர் ஞாபகம் இல்லை.ஆனால் செந்தில் & குமார் என்று பெயர்கள் வந்ததன.



அடுத்து களம் இறங்கியவர்,சற்றே 85 வயது ஆன இளைஞர் திரு ஈஸ்வர்.ஜெயந்தி சங்கரை பாராட்டி தன் பேத்தியாக விளித்து லேமினேட் செய்யப்பட்ட கவிதையை படித்த பிறகு கொடுத்தார்.கொஞ்ச நேரம் மட்டுமே பேசினாலும் சும்மா “நச்” என்று பேசினார்.வயது/அனுபவம் காரணமோ என்னவோ



பரிசு கொடுக்கும் போது.



பேச வந்த அவ்வளவு பேர் அவரை பாராட்டிக்கொண்டு இருக்கும் போது திருமதி ஜெயந்தி சங்கர் என்ன செய்து கொண்டிருந்தார்? அடுத்த நாவலுக்கு குறிப்பு எடுத்துக்கொண்டிருந்தார் என்று நினைக்கிறேன். :-))



கடைசியாக பேசியவர் திரு வரதராஜன்,இவர் என்னுடைய தாய் கம்பெனியில் வேலை செய்பவர்,தெரிந்திருந்தாலும் பேசவில்லை.இவர் பேசும் போது இரவு 7.45 ஆகிவிட்டதால் நான் கிளம்பும் நேரம் வந்தது.திரு ஜெயக்குமாரிடம் பிறகு பார்க்கலாம் என்று சொல்லிவிட்டு கிளம்பும் போது என்னை ஜெயந்தி சங்கரிடம் அறிமுகம் செய்துவைத்தார்.

உங்களை நான் முன்னமே பார்த்திருக்கேனே! என்றார்.பிறகு அவரே ஓ! உங்களை வலைப்பக்கத்தில் உள்ள படத்தில் பார்த்திருப்பேன் என்றார்.வரதராஜன் பேச்சு நன்றாக் இருக்கும் கேட்டு விட்டு கிளம்பலாமே? என்றார்.



நான் கிளம்பி சிரங்கூன் சாலைக்கு போய்விட்டு அங்கிருந்து வீட்டுக்கு போக சிங்கப்பூரை அரை சுற்று சுற்ற வேண்டும் என்பதால் கொஞ்சம் முன்னமே கிளம்பவேண்டியதாகிவிட்டது.

என்ன பார்வையாளர்களைப் பற்றி ஒன்றும் சொல்லவில்லையா?கண்ணாடிக்கு வெளியே இருந்தும் பார்க்கும் சீனப்பெண் கிழே.





மிச்சத்தை வேறு யாராவது எழுதினால் சொல்லுங்கள்.

ஜெயந்தி சங்கர் -பாகம் 1

இரண்டு வாரங்களுக்கு முன்பு இருக்கும்,ஒரு மின் அஞ்சல் திரு ஜெயகுமார் என்பவரிடம் இருந்து அதைத்தொடர்ந்து ஜெயந்தி சங்கரிடம் இருந்து வந்தது
யார் இந்த ஜெயந்தி சங்கர்?

தமிழ் பதிவுகளை படித்திருப்பவர்களுக்கு இவரை தெரியும் (சமீபத்தில் அவர் பதிவுகளை பார்க்கமுடியவில்லை) அதோடு சிங்கையில் தமிழ் புத்தகங்களை படிப்பவர்களுக்கு இவரை அறிமுகம் செய்ய தேவையில்லை.அவ்வளவு பிரபலம்.

என்னை பொருத்தவரை அவரை அவ்வளவாக தெரியாது.போன வருடம் கூகிளாந்தவரிடம் ஏதோ தேடிக்கொண்டிந்த போது ஒரு புகைப்படம் கிடைத்தது அதில் குழலியுடன் இவரை பார்க்க நேர்ந்தது.

போன வருடம் இவருடைய சில வலைப்பதிவுகளையும் படித்தேன் அவ்வப்போது தமிழக வார இதழ்களில் இவர் பெயர் அடிபடும் போது இவரின் பிரபலம் புரிந்தது.

அந்த மாதிரி சமயங்களில் தான் இவரின் ஒரு புத்தகம் படிக்க நேர்ந்தது அது "நாலே கால் டாலர்"- ஞாபக மறதியாக ஒரு வாழ்த்து அட்டையை சிங்கப்பூர் கடைகளில் காசு கொடுக்க மறந்துவிட்டு படும் ஜெயில் அனுபவத்தை கருவாக கொண்டு படைக்கப்பட்ட கதை.கதை முழுவதும் நம்மையும் கூடவே அழைத்துப்போயிருப்பது அவரிடன் எழுத்தின் பலம்.

அப்படிப்பட்டவரின் மேலும் சில நூட்கள் அறிமுக விழா என்று சொல்லி மின்னஞ்சல் வந்தது. அது நடக்கும் இடம் "அமோகியோ" (அங் மோ கியோ) நூலக அறை என்று குறிப்பிட்டு இருந்தது.அந்த விழாவுக்கு நேற்று போய் வந்தேன் அதிலிருந்து சில படங்களும் & மேலும் சிலரின் பேச்சுகளையும் முடிந்த அளவு குறைத்து கொடுக்கிறேன்.

மாலை சுமார் 5.15 க்கு கிளம்பி மின் வண்டி பிடித்து யோ சு காங்க் போய் அங்கிருந்து அப்படியே பொடி நடையாக போய் சேர்ந்த போது மணி 6.10 ஆகிவிட்டிருந்தது.



நுழைந்தவுடனேயே கேசரியும் & எப்போதும் நன்றியுடன் இருக்குமாறு ஞாபகப்படுத்தும் "பகோடாவும்" மற்றும் காபியும் கொடுக்கப்பட்டது.

வந்தவர்களில் பலர் நாற்பதை கடந்தவர்கள்.பல தமிழ் சார்ந்த நிகழ்வுகளுக்கு வரும் கூட்டத்தை காட்டிலும் அதிகமாகவே இருந்தது.

தொகுப்பாளினியாக திருமதி சித்ரா ரமேஷ் ,ஒவ்வொருமுறையும் அழைக்கும் பேச்சாளர்களை பற்றி சிறிய குறிப்பை சொல்லிவிட்டு அழைத்தார்.



ஜெயந்தி சங்கரின் சில புத்தகங்களை ஆய்வுரை செய்ய சிலரை அழைத்திருந்தார்கள்,அவர்களில் முதல்வர் "இன்பா" பேசியதிலும் முதல்வராக இருந்தார்.பெயரை கேட்ட மாத்திரத்திலேயே “வேட்டையாடு விளையாடு”(அது இலா) தான் ஞாபகம் வந்தது.இவர் இயற்பெயரே வித்தியாசமாக இருப்பது பற்றி விளக்கம் சொல்லிவிட்டு சிங்கை வாழ் மக்கள் எளிதாக கூப்பிடுவதற்காக சுருக்கி வைத்துக்கொண்டதாக சொன்னார்.

சுமார் 10 பக்கள் எழுதி வைத்துக்கொண்டு ஆய்வுக்கட்டுரை சொன்னார்.எழுத்தும் அழகாக இருந்தது.ஓரளவு குறிப்புகளை மட்டும் வைத்துக்கொண்டு வந்திருப்போரை பார்த்து பேசினால் நல்ல பேச்சாளராக வாய்ப்பு அதிகமாக உள்ளது.

கவிதையை நன்கு அனுபவித்து படிப்பார் போலும் அதுவும் அப்துல் ரகுமான் கவிதைகள் அவரை வெகுவாக பாதித்துள்ளது போலும். ஒரு சில கீழே (பலவற்றை ஞாபகத்தில் இருந்து எழுதுகிறேன் அதனால் 100% சரியாக இருக்காது)

குழந்தைகளுக்காக எழுதுங்கள்
குழந்தைகளை கிழித்துவிடாதீர்கள்.

இந்த மலரை பறித்தது யார்?
காம்பில் கண்ணீர் தெரிகிறதே!!

இப்படி பல

இவர் எடுத்துக்கொண்ட நாவல் இவரை அதிகம் பாதித்த “மனுஷி”.அதை அக்கு வேறு ஆணி வேறாக பிரித்து அலசினார் அப்படியே மற்ற கதைகளையும் தொட்டு பேசினார்.ஆண்களை வைத்துக்கொண்டே பெண்ணியம் பற்றி ஜெயந்தி சங்கர் சொல்லியுள்ளதையும் சொன்னார். :-))





பதிவின் நீளம் கருதி மற்றவற்றை அடுத்த பதிவில் சொல்கிறேன்.

வெங்கட்டுக்காக..

நம்ம டொமஸ்டிகேட் ஆனியன் வலைத்தளம் வைத்திருக்கும் திரு வெங்கட் ஒரு புகைப்பட தொடர் பதிவுக்காக நம்மையும் இழுத்து ஏதாவது போடுங்க என்று சொல்லியிருந்தார்.

அவர் போட்டிருக்கும் கழுகை பார்த்த பிறகும் நம் படத்தையும் போட்டால் நன்றாக இருக்காது தான் இருந்தாலும் நான் சமீபத்தில் எடுத்த படத்தையும் அதை CVR மாற்றிக்கொடுத்தையும் கீழே கொடுத்துள்ளேன்.

என்னிடம் இருப்பது வெறும் 5 MP olympus கேமிரா என்பதால் அதனிடம் இருந்து பெரிதாக எதிர்பார்க்கவில்லை,அதோடியில்லாமல் பல படங்கள் பிரிண்ட் செய்வதில்லை என்பதால் கவனம் எடுத்து புகைப்படம் எடுப்பதில்லை.

இது நான் எடுத்தது





மேலே உள்ளதை CVR இப்படி மாற்றிக்காண்பித்தார்.



விதியை மீறிட்டனா?பொருத்துக்கொள்ளுங்கள்.

இரண்டும் ஒரே படம் தானே?

நாகை முகுந்தன்

நேற்று மனைவியுடன் பேசிக்கொண்டிருக்கும் போது, நாகை திரு.முகுந்தன் நமது ஜனாதிபதி திரு.அப்துல் கலாமை சந்திந்ததைப் பற்றி செய்தி வந்திருப்பதாக சொன்னார்.
அந்த புகைப்படம் கீழே.

நன்றி:மனைவி :-))இவ்வளவு சீக்கிரம் அனுப்பியதற்கு.
இது எந்த புத்தகத்தில் வந்தது என்று தெரியவில்லை.அவர் சொல்லி நான் காதில் வாங்கவில்லையோ என்னவோ!!
அந்த புத்தகத்துக்கும் "நன்றி"
திரு நாகை முகுந்தனைப் பற்றி மற்றொரு சமயத்தில் எழுதுகிறேன்.

நண்பர்

போன சனிக்கிழமை ஒரு பழைய குமுதத்தை புரட்டிக்கொண்டிருக்கும் போது கீழ்கண்ட பக்கம் கண்ணில் பட்டது.

படித்துமுடித்தவுடன் புரிந்தது இவர் நம் பழைய நண்பர்,மேட்டூரில் ஒன்றாக வேலைப்பார்த்தவர் என்று.

இவரைப்பற்றி ஏற்கனவே இங்கு எழுதியுள்ளேன்.

மற்றொரு முறை இவருடைய பேட்டி சுமார் 4 வருடங்களுக்கு முன்பு ஆனந்தவிகடனில் "செதுக்கியது யார்?" என்ற தலைப்பில் இவருடைய பேட்டி வந்தது.

படப்பை பக்கம் ஒரு கண்காட்சி நடத்தப்போவதாக சொல்லியுள்ளார். நம் மக்கள் யாராவது போனால் போட்டுக்கொடுக்கவும்.
நன்றி

வீடு கட்டனுமா?

சென்னையில் வீடு கட்டனுமா?
(விஷயம்)தெரிந்த குத்தகையாளர் கண்ணில் படவில்லையா?
மேலே படிங்க..
இவரிடம் பேசுங்க பிடித்தால் வேலையை கொடுங்கள்.இதில் என் பங்கு எதுவும் இல்லாததால் உங்கள் முடிவே இறுதியானது.

நம்மக்களுக்காக ஒரு நல்ல குத்தகையாளரை அடையாளம் காட்டுவதே என் வேலை.

வீடு வீடு

பல மக்களின் கனவுக்கோட்டை (Ultimate) இது.அதுவும் நடுத்தர வர்கத்தின் அத்தியாவசிய தேவைகளில் ஒன்றும் கூட.
பல பேர் நில பிரச்சனை ஏதும் வேண்டாம் அடுக்கு மாடி குடியிறுப்பு போதும் என்று அதை விரும்புவர்கள் பலர்.அதிலும் தில்லு முல்லுகள் நாலொறு மேனியாக பத்திரிக்கையில் வந்துகொண்டிருப்பதை பார்த்து வீடு வாங்கவே பயப்படுபவர்கள் பலவிதம்.
பயந்துகொண்டிருந்தால் கரையிலேயே நிற்கவேண்டியது தான்.
இன்னும் சிலர் நிலத்தை வைத்துக்கொண்டு சரியான குத்தகைக்காரரை எதிர்பார்த்து காத்துக்கொண்டிருப்பார்கள் அல்லது முடிவெடுக்கமுடியாமல் தடுமாறிக்கொண்டிருப்பார்கள்.எவ்வளவு செலவாகுமோ என்று ? இவர்களால் கட்டிடம் நல்ல முறையில் கட்டித்தரமுடியுமா? என்று பல வித சந்தேகங்களுடன் இருப்பவர்களும் நம்மிடையே உண்டு
அவர்களுக்கு உதவும் விதமாக,எனக்கு தெரிந்தவர்,நண்பர் வீடு கட்டும் தொழிலை சென்னையில் நடத்தி வருகிறார்.அவருடைய கம்பெனி அட்டையை இங்கு வெளியிட்டுள்ளேன்.
தேவையானவர்கள் அவரிடம் தொடர்பு கொள்ளலாம்.



இவரின் ஈ மெயில் முகவரி :radhaconstruction@gmail.com


இவரை ஏன் நான் விளம்பரப்படுத்துகிறேன் என்ற நியாயமான கேள்வி பலருக்கு வரும்.

இவர் என்னுடன் 2 வருட காலங்கள் ஒரே இடத்தில் வேலை பார்த்துக்கொண்டிருந்தவர் என்பதாலும் அவரின் வேலை திறமையை பார்த்ததாலும் இதைச் செய்கிறேன்.
வேலையின் தரத்திற்காக குறுக்கு வழியில் போகாத குணம் மற்றும் சொன்ன சொல்லில் நிற்பது.வேலையில் நல்ல தரமான வேலையை செய்வது இப்படி பல.இவை அனைத்தையும் L&T-ECC யில் வேலை பார்த்தபோது நான் பார்த்த குணங்கள்.ஆதாவது அடுத்தவருக்க்காக வேலை செய்யும் போதே தன்னுடைய கம்பெனி போல் செயல்பட்டவர்.

அதுவும் (கடந்த 8 வருடங்களாக) இப்போது இவர் தனி கம்பெனி ஆரம்பித்து பல வேலைகள் செய்து வருகிறார்.இது தான் அவர் கம்பெனி பற்றி இனையத்தில் வருகிற விஷயம்.எந்தவித விளம்பரம் இல்லாமல் தன்னிடம் வருபவர்களுக்காக மட்டும் வேலை செய்து கொடுத்துக்கொண்டிருக்கிறார்.

என்னென்ன எதிர்பார்க்கலாம் இவரிடம்.

கட்டிட வேலைக்கான Design ( நல்ல தரமான கம்பெனி இன்ஜீனியர் மூலம்)

வரைகலை படங்கள்(Architectural Drawings)

வீடு கட்டும் செலவு விவரம்(Estimate)

இவர் செய்த சில வேலைகளின் படங்கள் கீழே உள்ளன.