DVD Tray திறக்கவில்லையா?

நான் ஒரு DIY (Do It Yourself) ஆசாமி என்று ஒரு சில பதிவுகளில் சொல்லியுள்ளேன் அப்படி முயற்சித்து வெற்றிகண்ட ஒரு நிகழ்வைதான் இப்போது சொல்லப்போகிறேன்.இதற்கு முன்பு முயற்சித்தது இங்கே.

நான் முயற்சித்த பல விஷயங்கள் வெற்றி/ தோல்வியில் முடிந்திருந்தாலும் வெற்றி அடையும் போது கிடைக்கும் ஒரு மகிழ்ச்சி அளப்பரில்லாதது தான்.

வீட்டில் ஒரு டிவிடி ரெக்கார்டர்-பிலிப்ஸ் மாடல் சுமார் 6 வருடங்களுக்கு முன்பு வாங்கியது இருக்கிறது.இதை வாங்கும் போது ரெக்கார்டிங் கட்டுப்பாடு எதுவும் இல்லாதிருந்த காரணத்தினாலும் மற்றும் VHS Tapes வழக்கொழிந்து போகும் நிலையில் இருந்ததால் அதற்கு மாற்றாக இருக்கட்டுமே என்று வாங்கினேன்.ஆனால் சமீபகாலத்தில் ரெக்கார்டிங்(கேபிள்) மட்டுப்படுத்தப்பட்டுவிட்டதாலும்,நிகழ்வுகளை சேமித்து பிறகு பார்க்ககூடிய அளவில் கால அவகாசம் இல்லாத்தால் இதை உபயோகிப்பதும் மிகவும் குறைந்துவிட்ட நிலையில் இதை DVD Player ஆக உபயோகித்து வந்தேன். சமீபகாலங்களில் DVD மூலம் படம்/நிகழ்வுகள் பார்பதும் அரிதாகிவிட்டதால் ஆண்டுக்கு ஒரு சில முறைகளே உபயோகித்துவந்தேன்.இப்படிப்பட்ட நிலையில் திடிரென்று DVD Tray வெளியே வருவதில் பிரச்சனை வந்தது.

கூகிளாரிடம் தேடிய போது யுரோப்பில் உள்ள பலருக்கும் இப்பிரச்சனை இருப்பதும் அதற்காக Hard Reset செய்தும் வேறு சில ஆலோசனைகளையும் முன் வைத்தார்கள் அதில் ஒன்றிரண்டை உபயோகித்து சில நாட்கள் வரை உபயோகித்துவந்தேன்.சில முறை பேபர் கட்டர் பிளேடை Tray க்கு கீழே உள்ள இடைவெளியில் விட்டு உள்ளே உள்ள லாகை விடுவித்து Tray ஐ வெளியே கொண்டுவந்தேன்.Tray க்கு கயறையெல்லாம் கட்டி இழுத்து ஓட்டிக்கொண்டிருந்தேன்.:-)

DVD Recorder யின் உள் அமைப்பு.

இப்பிரச்சனை முதல் முறையாக தலைகாட்டிய போதே DVD Recorder ஐ முழுவதுமாக பிரிக்க முயற்சித்தேன்.சரியான Screw Driver கிடைக்காமல் பிறகு கிடைத்து எல்லாம் பிரித்து பார்த்த போது DVD Player Set ஐ வெளியே எடுக்கமுடியாத படி Tray முகப்பு மாட்டப்பட்டிருந்தது. தோல்வியில் முடிந்த இந்த முயற்சிக்கு பிறகு அப்படியே திறந்த ஸ்குருவை போட்டு மூடிவைத்துவிட்டேன்.இப்படி திறந்த போதே இதன் ஸ்விச் மற்றும் இயக்கமுறையை ஓரளவு மனதில் நிருத்தியிருந்தேன் அதனால் இப்போது திறந்த போது அவ்வளவு பிரச்சனை வரவில்லை ஆனாலும் டிரேயின் முகப்பு மட்டும் எப்படி கழ்ற்றுவது என்பது பிடிபடாமல் இருந்தது.இதற்கிடையில் இந்த DVD Tray வரக்கூடிய பிரச்சனை அதனை எப்படி சமாளிப்பது போன்ற முறைகளை இணையத்தில் இருந்து தெரிந்துகொண்டேன் அதில் ஒவ்வொன்றாக செயல்படுத்தி பார்ப்போம் என்று தொடர்ந்தேன்.Tray யின் முகப்பு கீழிருந்து மேல் தூக்கினால் வெளியே வந்துவிடுக்கிறது அது கூட அகஸ்மாத்தாகத்தான் கண்டுபிடித்தேன்.

லென்ஸ் & டிரே.

DVD Recorder யின் பின் தோற்றம்.

வட்டை படிப்பதில் பிரச்ச்னையில்லை என்பதால் உள்ளிருக்கும் லென்ஸும் அதை சார்ந்த வன்/மென்பொருள் பக்கம் போகவேண்டியதில்லை என்பதை முடிவுசெய்தேன்,அப்படியென்றால் டிரே வெளியே தள்ளக்கூடிய இரு சமாச்சாரங்கள் மட்டுமே இதற்கு பிரச்சனை கொடுக்கிறது என்றும் அது இதற்குரிய மோட்டார் அல்லது இதை நகர்தக்கூடிய பெல்ட்.மோட்டர் போயிருந்தால் என்னால் அதை சரிசெய்ய முடியாது ஏனென்றால் அதற்கான அறிவு என்னிடம் இல்லை மற்றது இந்த பெல்ட்.இந்த பெல்ட் பல காலம் உபயோகத்தில் இல்லாவிட்டால் அதன் விரைப்புத் தன்மை போய் இளகிவிடும்.பழைய டேப் ரெக்கார்டரில் அவ்வப்போது இப்பிரச்சனையை பார்த்திருந்தால் இதை மாற்றிப்பார்பது என்று முடிவு செய்தேன்.

Belt Close up picture below.

வீட்டுக்கு பக்கத்தில் இருந்த ஒரு கடையில் போய் அந்த பெல்டை காண்பித்து கேட்ட போது அது இங்கு கிடைக்காது என்றும் விருகம்பாகம் மார்கெட் அல்லது மெர்சி-வடபழனி கடையில் கேட்கவும் என்றார்கள்.மெர்சி கடை வடபழனியில் பிரபலம் என்றாலும் எனக்கு தேவையான விபரங்கள் கிடைக்கவில்லை,திரும்பும் வழியில் விருகம்பாக்கம் மார்கெட் பக்கத்தில் உள்ள கடையில் கேட்ட போதும் அவர்களிடமும் “இல்லை” என்று பதில் வந்தது.வேறு எங்காவது கிடைக்குமா என்று கேட்ட போது,ஆழ்வார்திருநகரில் ICICI வங்கிக்கு அருகில் உள்ள கடையில் கிடைக்கும் என்றார்கள்.அந்த கடைக்கு போய் கேட்ட போது,இதை முயற்சித்து பாருங்கள் சரியாக இருக்கும் என்றார்கள். விலை???- பதிவின் கடைசியில்.

இந்த பெல்டை போடுவது கொஞ்சம் சிரமான வேலை.சில முறை முயற்சித்து போட்டு உள்ளே பொருத்தினேன்.எல்லாம் முடிந்த பிறகு Eject Button ஐ அழுத்திய போது அழகாக திறந்தது.இதையே கடைகளில் கொடுத்திருந்தால் நிச்சயம் Rs 1000 தீட்டியிருப்பார்கள் என நினைக்கிறேன்.நேரமும்,ஆராயனும் என்ற முயற்சி இருந்ததால் இதை என்னால் புரிந்துகொண்டு சரி செய்யமுடிந்தது.

இவ்வளவு பெரிய கம்பெனி சாமான்,அதுவும் இந்த மாதிரி டிரே மாட்டிக்கிட்டா உள்ளே திறக்கிற மாதிரியா வைப்பார்கள்? நிச்சயமாக இல்லை, ஆனால் இதற்கான எளிமையான வழியை எங்கும் சொல்லாமல் வைத்திருக்கிறார்கள்.பிளேயரின் கீழே சிறிய நீள்வட்ட ஓட்டை உள்ளது அதனுள் வெள்ளை நிற பிளாடிக் லீவர் போல் ஒன்று உள்ளது அதை ஒருபக்கமாக நகர்த்தினால் டிரே வெளியே வந்துவிடும்.இது கிட்டத்தட்ட நமது கணினியில் இருக்கும் DVD/CD Player பக்கத்தில் இருக்கும் சிறு துளை இருக்கும் அதன் பணி போன்றதே.படம் கீழே.

வெற்றி வெற்றி...

ஆமாம், அந்த பெல்டின் விலை? - ரூபாய் மூன்று மட்டுமே.

பின்குறிப்பு:இது என்னுடைய அறிவு சார்ந்த அனுபவும்,இதைவைத்து எங்காவது எதையாவது விட்டு ஷாக் வாங்காதீர்கள்.அதற்கு நான் பொருப்பல்ல.

பஹாய் கோவிலின் கதை

டெல்லி சுற்றிப்பார்க்க போன பெரும்பாலனவர்கள் இக்கோவிலை சுற்றுலா தளம் போல் பார்த்துவருகிறார்கள்.இதன் கட்டுமானத்தில் ஏற்பட்ட சிக்கல்கள் அதை எப்படி முறியடித்து கட்டிமுடித்தார்கள் என்பதை லார்சன் & டூப்ரோ நிருவனம் அவர்கள் நிருவன புத்தகத்தில் போட்டிருந்தார்கள்.அவை கீழே.
படங்களின் மேல் சொடுக்கி பெரிதுபடுத்தி பாருங்கள்.

 நன்றி: லார்சன் & டூப்ரோ லிமிடடு.

அப்பெல்லாம்...இவ்வளவு தான் ஏறியது.

வேலையில்லாத நேரத்தில் ஏதாவது செய்தாகவேண்டுமே அப்படி ஒரு வேலை செய்துகொண்டிருக்கும் போது இது மாட்டியது.

முதல் அரை மாத சம்பளம் L&T ECC யில் - ரூ 325 (1982 - பிப்ரவரி)

அடுத்த மாத முழு சம்பளம் : ரூ 700- (1982 - மார்ச்)

12 வருடங்களுக்கு பிறகு வெளியே வரும் போது : ரூ 6705.(1984 -டிசம்பர்)

12 வருடங்களில் சுமார் 10 மடங்குக்கு குறைவானவான ஏற்றமே ஏற்பட்டுள்ளது.

இது என் முயற்சி.

ஆரோக்கியம் & நல்வாழ்வு குழுமத்தில் இணைந்த பிறகு இங்கு கிடைத்த விபரங்கள்,அவரவர் முயற்சிகள் எல்லாம் படித்த போது எனக்கு இருந்த ஒரே பிரச்சனைக்கு இயற்கையான முறையில் முடிவு கிடைக்குமா என்று யோசித்துக்கொண்டிருந்தேன்.சாடின் மருத்தின் மூலம் வரும் பக்க விளைவுகளை செல்வன் பதிவுகள் மூலமும் அவர் கொடுத்திருந்த இணைப்புகள் மூலம் தெரிந்துகொண்டேன்.மேலே தொடர்வதற்கு முன்பு என்னுடைய பிரச்சனை என்று சொல்லிவிடுகிறேன்.

High Cholesterol தான் என்னுடைய ஒரே பிரச்சனை.இதை முதலில் தெரிந்துகொண்டது சிங்கையில் தான்.என்னுடைய கொலஸ்ரால் அளவை அவர்கள் லேப் மூலம் கண்டுபிடிக்க முடியவில்லை (அவ்வளவு அதிகமாக இருந்தது போலும்).அதன் பிறகு சென்னை வந்த போது இங்குள்ள பரிசோதனை நிலையத்தில் சோதித்த போது மொத்த அளவு 348 வந்தது.தேவையான மருந்துகளை மருத்துவரிடம் பெற்றுக்கொண்டு அதன் விளைவுகளை பற்றி யோசிக்காமல் ஊர் சுற்றிக்கொண்டிருந்தேன்.இருக்கும் போது மருந்து சாப்பிடுவேன் முடிந்தவுடன் விட்டுவிடுவேன் அதற்கு பிறகு எப்போது ஊருக்கு வருவனோ அப்போது தான் மருந்து.

சாப்பாடு விஷயத்தில் நான் கொஞ்சம் ஸ்ரிக்ட்.அளவான சாப்பாடு மட்டுமே அதுவும் வெளியிட சாப்பாடு வெகு குறைவே.பிட்சா மாதிரி சமாச்சாரங்கள் வருடத்துக்கு ஓரிரு முறையே.வீட்டடை விட்டு வெளியில் இருக்கும் போது கை சமையலே.

கொலஸ்டிராலை கட்டுப்படுத்தும் மருந்து ஒரு மாதத்துக்கு சுமார் ரூ 1200 யில் இருந்து 1400 வரை போய்கொண்டிருந்தது.இந்நிலையில் தான் செல்வனின் கட்டுரையை படிக்க நேர்ந்தது.சரி இப்படி ஒரு வழி இருக்கும் பட்சத்தில் நாம் ஏன் அதை முயற்சிக்க கூடாது என்று எண்ணிக்கொண்டிருந்தேன் அதோடு முட்டை சாப்பிட்டு திரும்பவும் கொலஸ்டிராலை(நல்ல) கூட்டவேண்டும் என்பது தான் நெருடிக்கொண்டு இருந்தது.நான் முட்டை சாப்பிடுவதை 1994 யில் விட்டுவிட்டேன் அதனால் திரும்பவும் ஆரம்பிப்பதில் கொஞ்சம் சுணக்கம்.

இந்நிலையில் வீட்டுக்கு பக்கத்தில் என்னுடன் ஒன்றாக வேலைசெய்த ஒரு நண்பரிடம் இதைப்பற்றி சொல்லிக்கொண்டிருந்தேன்.அவரும் முழுவதுமாக கேட்டுவிட்டு தான் ஒரு முறையை கடைபிடிப்பதாகவும் அதன் மூலம் நம் இன்றைய உணவு முறையை அவ்வளவாக மாற்றிக்கொள்ளாமல் அதே சமயத்தில் கொலாஸ்டிராலையும் கட்டுக்குள் கொண்டுவரலாம் என்றார்.அவருடைய முறைபடி காலை(10 ~ 11) நேரடியாக அரிசி உணவு,அதன் பிறகு பசிக்கும் போது பச்சையாக காய்கறிகள்,இரவு பழம் மட்டும். அவ்வளவு தான்.நானும் மனைவியும் கொஞ்ச நாட்களுக்கு இதை பின்பற்றுவோம் விளைவுகளுக்கு தகுந்த மாதிரி மேல்முடிவு எடுக்கலாம் என்று அக்டோபர் முதல் தேதியில் இருந்து ஆரம்பிதோம்.

காலை : கஞ்சி 1 டம்ளர் (கேழ்வரகு,கோதுமை கொண்டது)

மதியம்: அரிசி சாப்பாடு

இடையில் பசிக்கும் போது பச்சையாக கேரட்,வெள்ளரிக்காய்,தக்காளி,சிறிதளவு ஸ்வீட்ஸ்.

இரவு: பழங்கள்.

ஆரம்பிக்கும் போது என்னுடைய எடை 69.6 Kg

ஒரு மாதம் கழித்து : 66 கிலோ

நேற்று : 65.3 கிலோ.

தானிய அரிசியை இரவில் குறைத்ததாலும் இலகுவாக செரிமானம் ஆகும் பழங்களை சாப்பிட்டதாலும் எடை இழந்தேன்.இதனால் எந்த ஒரு பிரச்சனையும் முதல் மாதத்தில் எழவில்லை.இந்த டயட் ஆரம்பித்த நாளில் இருந்து கொலஸ்டிரால் மாத்திரைகளை நிருத்திவிட்டேன்.

டயட்டில் இருந்து 40 ஆவது நாளில் இருந்து பிரச்சனை ஆரம்பம் ஆனது ஆதாவது மூச்சுவிடுவதில்,ஒரு மாதிரியான Heavy Breathing இருப்பதாக தோன்றியது.இதே மாதிரியான நிலை நான் மாத்திரை எடுக்கும் போதும் அவ்வப்போது தோன்றியதால் அதை பெரிதாக எடுத்துக்கொள்ளவில்லை ஆனால் நாள் ஆக ஆக வெவ்வேறு விதமான வலிகள் இருதயம்,முதுகு பக்கம்,தோள்பட்டை போன்ற இடங்களில் வர ஆரம்பித்தது.இதயத்துக்கு நேர் பின் பக்கம் முதுகில் வந்த வலி தினசரி நீடிப்பதை பார்த்ததும் இது அசாதரணமானது என்று புரிந்தது.

61ம் நாள் ஒரு மாதிரியான இறுக்க நிலை கண்கள் தானாக மூடிக்கொள்ளும் நிலையை உணர்ந்த போது என்னுடைய டயட் சரியில்லை என்று புரிபட்டது.அன்றே உடனடியாக பரிசோதனை நிலையத்துக்கு போய் கொலஸ்டிராலுக்கும் ECG க்கும் பரிசோதனை செய்துகொண்டேன். ECG இல் பெரிய மாற்றம் ஒன்றும் தென்படவில்லை ஆனால் கொலஸ்டிரால் எல்லாம் மிக அதிகமாக போயிருந்ததை கண்டுகொண்டேன். பரிசோதனை முடிந்த உடனேயே வழக்கமாக சாப்பிடும் கொலஸ்டிரால் மாத்திரைகளை சாப்பிட்டேன் அதை சாப்பிட்ட மறுநாள் நிலமை சற்று மேம்பட ஆரம்பித்தது.

இன்று நிலமை தேவலை என்றாலும் அந்த அழுத்தமான உணர்வு அவ்வப்போது வந்து போகிறது.இன்னும் கொஞ்ச நாட்கள் மாத்திரைகள் சாப்பிட்டவுடன் எப்படி இருக்கிறது என்று பார்ப்போம்.

முதல் பரிசோதனை தோல்வி இனி அடுத்தது செல்வன் பரிந்துரைத்தது தான்.என்ன வீட்டுக்காரமாவுக்கு சமைப்பதில் தான் கொஞ்சம் கஷ்டம்.பார்ப்போம் என்ன நடக்கிறது என்று.

	Cholestral Lvl before diet (06 Jun 13)	Cholesterol Lvl on diet(24 Nov 13)
Cholesterol	198 mg/dl	286 mg/dl
HDL Cholestral	46	45
Triglycerides	226	337
LDL Cholesterol	132	194
VLDL Cholesterol	45.2	67.4
Total CHO/HDL ratio	4.3	6.4

பெரிய இடைவெளி

இப்ப உலகம் சுருங்கின மாதிரி 1980களில் இல்லை, படித்த நண்பர்களையோ/இள வயதில் ஒன்றாக விளையாடிய நண்பர்களை கண்டு பிடிக்க வேண்டும் என்றால் கண்டுபிடிக்கவே முடியாத அளவில் இருக்கும் ஏனென்றால் வீட்டு முகவரியை தவிர வேறு எதுவும் எங்களிடம் கிடையாது.பாலிடெக்னிக் படித்துக்கொண்டிருக்கும் போது நெருக்கமான சிலர் இருந்தனர் அதில் புகைபடம் எடுத்துக்கொண்ட இந்த மூவர் நினைவும் மட்டும் பசுமையாக இருந்தது இதில் ஒருவர் பெற்றோர் வீட்டுக்கு பக்கத்திலேயே இருந்ததால் எப்போதும் தொடர்பில் இருந்தார் மற்ற இருவரைப்பற்றிய செய்தி எதுவே கிடைக்கவில்லை.பழைய நிருவனம் மற்றும் வேறு சில நண்பர்களிடம் கேட்ட போதும் சரியான விபரம் கிடைக்கவில்லை.

சமீபத்தில் நாகப்பட்டினம் போன போது இந்த நண்பர்களை பற்றிய ஏதாவது தகவல் கிடைக்கிறதா என்று என்னுடன் படித்த நண்பர்கள் சிலரிடம் கேட்டேன்,உதடு பிதிக்கினார்கள்.சரி அவர்கள் வீடாவது இருக்கா என்று போய் பார்த்தால் முகப்பு எல்லாம் மாறி கடையும் பிளாட்டாக மாறியிருந்தது.கீழே உள்ள கடைக்காரடிடம் கேட்ட போது அவர்கள் வீட்டை விற்று விட்டு சென்னைக்கு போய்விட்டார்களே என்றார்.சரி, சென்னை முகவரியாவது இருக்கா என்றால் "இல்லை" என்றார்.பிறகு கொஞ்ச நேரம் யோசித்துவிட்டு நாகை மார்கெட்டில் அவர்கள் அண்ணா கடை வைத்திருக்கார் என்று விபரம் கொடுத்தார்.அதை தேடி கண்டுபிடித்தவுடன் அவர்களிடம் இருந்து நண்பன் எண் கிடைத்தது அதன் மூலம் மற்றவர் எண்ணும் கிடைத்தது.எல்லோரிடமும் மீண்டும் தொடர்பு கிடைத்த சந்தோஷத்தை நான்கவரிடமும் பகிர்ந்துகொண்டோம்.

இவ்வளவு நாள் தான் பார்க்கமுடியவில்லையே இப்போதாவது பார்க்கலாம் என்று மதியம் மடிப்பாக்கத்தில் ஒரு இடத்தை முடிவு செய்து அங்கு சந்தித்து அளவளாவினோம்.

33 ஆண்டுகள் இடைவெளியில் இயற்கை விளையாடிய விளையாட்டை படங்களில் பார்க்கலாம்.

 

மனைவிமார்களை பேசவிட்டுவிட்டு எங்கள் பழைய கதைகளை ஓரளவு பேசிவிட்டு வீடு திரும்பினோம்.

இம்மூவரை தவிர நானே எதிர் பார்க்காத இன்னொரு நண்பரையும் சந்திக்க முடிந்தது மிகுந்த ஆச்சரியத்தை கொடுத்தது.

நாங்களெல்லாம் யாரு??

வீட்டில் ஏர் டெல் அகலக்கட்டை இணையம் சுமார் 5 வருடங்களுக்கு முன்பு வாங்கியது, அப்போது கம்பில்லா சேவை அவ்வளவாக பிரபலம் இல்லாததால் வெறும் DSL modem கொடுத்திருந்தார்கள்.

Smart Phone வந்த பிறகு கைக்குள்ளேயே கணிணி பயண்பாட்டுக்கு வந்த பிறகு ஆளுக்கு  ஏற்ற மாதிரி பல வித  டேட்டா பிளான்கள் போட்டு பாக்கெட்டைஓட்டை போட்டுக்கொண்டிருந்தார்கள். என்னுடைய தேவை கொஞ்சம் என்பதாலும் வீட்டில் இருக்கும் தொலைப்பேசிகள் அவ்வளவுக்கும் டேட்டா பிளான் போட்டால் நிறைய இழக்க வேண்டி வரும் என்பதால் இப்போதிருக்கும் இணைப்பையே கைப்பேசிக்கும் உபயோகிக்க உண்டான வழிகளை தேடினேன்.

எல்லா வழிகளிலும் தேடியபிறகு, இருக்கும் மோடத்துடன் Wireless
Router இணைத்தால் காரியம் முடிந்துவிடும் போல் இருந்தது. வின்டோஸ் கணிணி என்றால் இறங்கிவிடலாம் ஆனால் என்னிடம் இருப்பது லினக்ஸ் அதுவும் மேம்பாடு செய்ய முடியாத நிலையில். இணையம் முழுவதும் தேடினேன் அதன் பிறகு குறைந்த விலையில் என்காவது கிடைக்குமா என்று தேடியதில் FB-Moore Market இல் போட்டிருப்பது தெரிந்தது.என்னுடைய தேவைக்கு ஏற்ற மோடத்தை எதிர்பார்த்து காத்துக்கொண்டிருக்கும் வேளையில் வீட்டுக்கு வந்த மச்சினர் இங்கு கம்பியில்லா இணைய தொடர்பு இருக்கா என்றார்? அதற்கான மோடத்தை தேடும் கதையை அவரிடம் சொன்ன போது தன்னிடம் ஒரு பழைய Router இருப்பதாகவும் தேவை என்றால் கொடுக்கிறேன் என்றார்.ஆராய்சி செய்ய என்ன கஷ்டமா என்ன? கொடுங்கள் என்றார்.

வந்தது, தேவையான இணைப்புகளை கொடுத்த போது சமிக்கை விளக்குகள் சரியாக காண்பித்தன.சரி உயிர் இருக்கிறது என்ற முடிவுக்கு வந்தேன். ஏற்கனவே இருந்த செட்டிங்கில் மடிக்கணினியை இணைத்த போது வேலை செய்தது ஆனால் தொலைப்பேசியில் இணைய இணைப்பை Open என்று காண்பித்தது. இப்படி இருந்தால் யார் வேண்டுமென்றால் என்னுடைய இணைப்பு மூலம் இணையத்தில் உலா வரமுடியும். இதை நிவர்தி செய்ய கூகிளிடம் தேடி Router செட்டிங்கை மாற்ற போய் எல்லாம் குழப்படியாகி எதுவுமே சரியாக வேலை செய்யவில்லை. இரவு மணி 10.30 ஆகிவிட்டதால் அப்படியே மூடிவிட்டு தூங்க போய்விட்டேன்.

இன்று காலை மறுபடியும் அதோனோடு போராட ஆரம்பித்தேன்.இணையத்தில் சொல்லியிருந்த வழிகளை ஒவ்வொன்றாக செயல்படுத்தி தோல்வி கண்டுகொண்டிருந்தேன்.இவ்வேளையில் நாம் ஏன் ஏர்டெல் சேவைமைய அதிகாரியை தொடர்பு கொண்டு ஆலோசனை கேட்ககூடாது என்று தோனியதில் 121 ஐ கூப்பிட்டேன். மவராசி எடுத்தாங்க,எனக்கு  தேவையான விபரங்களை கேட்டேன்  அவர்களுக்கு வேண்டிய விபரங்களையும் கொடுத்தேன்,கடைசியாக அவர்களிடம் நான் Linux யில் உள்ளேன் உங்களால் முடியுமா என்றேன். மோடம் கேபிளை கணிணியில் இணையுங்கள் அதன் பிறகு உங்களுக்கு தேவையான விபரங்களை சொல்லிவிட்டு பாட்டு போட்டு போய்விட்டார்கள். சில நிமிடங்கள் கழித்து பார்க்கும் போதும் பாட்டு தான் ஓடிக்கொண்டிருந்தது, இது வேலைக்கு ஆகாது என்று கூகிளில் வேறு மாதிரி தேடிய போது கீழே சொன்ன மாதிரி செய்தவுடன் எல்லாம் சரியாக வேலை செய்தது. இதில் முக்கியமானது மோடம் மற்றும் router கேபிளை LAN யில் இணைக்க வேண்டும்.இது தெரியாமல் ஒரு மணி நேரம் அவஸ்தைப்பட்டேன்.

 1. Connect PC directly to modem and open the config url.

2. Go to Advanced Setup>LAN, enter the DHCP start ip as 192.168.1.4 and end .100, save & reboot.

3. Connect PC directly to Wireless Router. Open the web-based setup page.

4. Under Setup>Internet, select Obtain IP automatically and leave the fields blank.

 5. Under Network Setup, enter the Router IP as 192.168.1.3, disable DHCP server and save settings.

6. Configure the Wireless settings (SSID and authentication) to your liking, save settings and reboot the router.

7. Connect the modem and router with the router end of the cable connected to one of the 4 LAN ports (NOT the INTERNET port).

8. Connect your PC's to the routers remaining 3 LAN ports and laptops via wifi and you should be good to go.

மோடம்/ router க்கு தேவையான Configuration ஐ http:// 192.168.1.1 or 3 யில்  பார்க்கலாம். 

   

சும்மா இருக்க விடுதா?

நான் சில விஷயங்களை வராவிட்டால் அப்படியே விட்டு விடுவதில்லை,நடுவில் கொஞ்சம் இடைவெளிவிட்டு,தேடி பிறகு முயற்சி செய்யும் ஆள். சமீபத்தில் என் மண்டையை குடைந்த விஷயம் இந்த Reverse Tethering.
கைப்பேசியில் உள்ள இணைய இணைப்பை மடிக்கணினி அல்லது கணினியில் உபயோகித்தால் அதற்கு பெயர் Tethering. இந்த முறை ஒரு 8 வருடங்களுக்கு முன்பு கேள்விப்பட்டது இன்றும் சில இடங்களில் இப்படி உபயோகப்படுத்துகிறார்கள்.சென்னை மாதிரி பெரு நகரங்களில் பல இடங்களில் கம்பி வடமும்,கம்பியில்லா இணையமும் வந்துவிட்டதால் Tethering செய்ய வேண்டிய அவசியம் இல்லாமல் உள்ளது.

என் வீட்டில் கம்பி வடம் மூலம் இணைய இணைப்பு மடிக்கணினிக்கு இருக்கு.கை தொலைப்பேசி மூலம் 3G/2G மூலம் உலாவினால் நம்முடைய உபயோகத்துக்கு ஏற்ப பணம் கழிக்கப்படும் இதோடில்லாமல் பல வித Packages உள்ளது.இப்படி செய்வது மூலம் நிறைய பணம் செலவாகும்.வீட்டில் இருக்கும் இணைய இணைப்புக்கு ஏற்கனவே பணம் கட்டுகிறோம் இருந்தும் அவர்கள் கொடுக்கும் அளவு எப்போதும் மீறுவதில்லை அப்படி இருக்கும் போது கைப்பேசிக்கும் தனியாக பணம் கட்டுவது அநியாயமாக தெரிந்தது அதுவும் இந்த நேரத்தில்.வீட்டு இணைய இணைப்பை எப்படி கைப்பேசியில் உபயோகப்படுத்துவது என்று பல நாட்கள் படித்தேன் சிலது புரிந்தது இருந்தாலும் ஏதோ Root செய்யனும் என்று சொல்லி அப்படி செய்தால் கைப்பேசியின் Warranty போய்விடும் என்றும் சொல்லியிருந்தார்கள்.சமீபத்தில் வாங்கிய கைப்பேசி என்பதால் கொஞ்ச நாள் இந்த யோஜனையை தள்ளிப்போட்டேன்.

Root என்று எதோசொன்னார்களே, அது என்ன என்று பார்த்துவிடலாம் என்று மேல்விபரங்களை தேடிய போது கைப்பேசியில் தேவையான கோப்பை வைத்து அதன் மூலம் கைப்பேசியை நம் கட்டுக்குள் கொண்டுவர வேண்டிய வழியை சொல்லியிருந்தார்கள். என்னுடைய சாம்சங் கேலக்ஸி க்கு தேவையான கோப்பை இறக்கி கைப்பேசிகுள் வைத்து அவர்கள் சொல்லியமாதிரியே செய்த போது, எல்லாம் சரியாக வந்தது.

USB Cable மூலம் கைப்பேசியை மடிக்கணினி மூலம் இணைத்தேன்.Mass Storage க்கு வேண்டிய ஆப்ஷனை தேர்ந்தெடுக்கவில்லை.கைப்பேசியில் USB Tunnel என்னும் அப்ளிகேஷனை இயக்க வேண்டும்.மடிக்கணினியில் Android Tool என்ற மென்பொருளை இயக்க வேண்டும். முதலில் Refresh செய்தால் சேர்ந்துள்ள கைப்பேசிகளின் எண் வரும் அதில் தேவையானதை தேர்ந்தெடுத்து Connect பட்டனை அழுத்தினால் எல்லாம் தயார்.

முதலில் உலாவி மூலம் இணையத்தை பார்க்க முடிந்தாலும் கூகிள் பிளே மூலம் எந்த அப்ளிகேஷனையும் தரவிறக்க முடியவில்லை இதற்கான காரணத்தை இரண்டு வாரமாக தேடினாலும் கிடைக்காமல் இன்று ஒரு பக்கத்தில் இதற்கான விடை கிடைத்தது ஆதாவது இந்த Reverse Tethering ஆரம்பிக்கும் முன்பு

Settings-----Wireless & Networks------Mobile Networks----Use Packet Data வை கிளிக் செய்துவிடவும் அதற்கு பிறகு reverse tethering ஐ ஆரம்பிக்கவும்.இப்படி செய்வதனால் கைப்பேசியில் உள்ள 3G/2G  இணைய இணைப்பு பயன் படுத்தப்படமாட்டாது.கிட்டத்தட்ட 30 MB க்கு 3 பைசா தான்.

 கூகிள் பிளேயில் யுடூபில் மேம்பாடு தரவிறக்கம்.

 யூடிபில் இளையராஜா பாடல்கள்- கைப்பேசியில் ஓட அதன் இறக்கம் கணினி இணையத்தில்

அடுத்து எதை யோசிப்பது என்று இப்போதே மூளை பிராண்ட ஆரம்பித்துவிட்டது. :-)

தன் கையே தனக்கு உதவி (DIY)

சென்னையில் தற்போது கொஞ்சம் கொஞ்சமாக வெய்யில் அதிகரிக்க ஆரம்பித்துவிட்டது.இந்த வருடம் சென்னையில் எனக்கு 3வது வருடம். போன இரண்டு வருடங்கள் எப்படி சமாளித்தனோ அதே போல் இந்த வருடமும் சமாளிக்க வேண்டும்.மின்சார வினியோகம் எப்படி இருக்க போகிறது என்று தெரியவில்லை.

இப்போது நான் இருக்கும் வீடு மொட்டை மாடிக்கு அருகில் என்றாலும் சுற்றிலும் திறந்த இடைவெளியுடன் கூடிய மரங்கள் இருப்பதால் வெப்பம் அவ்வளவாக தெரியாது ஆனால் பெற்றோர்கள் இருக்கும் இடம் அப்படியே நேர் எதிர்.இடவாகோ அல்லது சிமிண்ட் சாலையோ தெரியாது,இரவில் வீட்டின் உள்ளே தகிக்கும்.மின் விசிறி ஓடினாலும் உள்ளே படுக்கமுடியாது.பல முறை சொல்லிச்சொல்லி இப்போது தான் மும்முனை மின்சாரம் கொடுக்கப்பட்டுள்ளது அதன் மூலம் ஏதாவது பயன் இருக்குமா என்று தெரியவில்லை.அழுத்தமில்லாத மின்சாரத்தை மும்முனையில் கொடுத்தால் என்ன கொடுக்காவிட்டால் என்ன? வினியோக பணம் குறைவாக வசூலிக்கப்போவதில்லை.சரி அந்த இடத்தை விட்டு வேறு இடம் போகலாம் என்றால் வங்கி,அஞ்சல் நிலைய கணக்கு,பொது வினியோக முறை மாற்று விலாசம்,நண்பர்கள் மற்றும் உறவினர்கள் எல்லாம் ஒரு பெரிய பிரச்சனை போன்ற எண்ணம் மூலம் தள்ளிப்போட்டுக் கொண்டு போனது.ஒரு நிலையில் இதெல்லாம் சரிபடாது அவர்கள் இருக்கும் இடத்தையே ஓரளவுக்கு குளுமைபடுத்தலாம் என்று முடிவுக்கு வந்தேன்.

முதலில் இந்த False Ceiling - இது வெப்பத்தை மாடியில் இருந்து கடத்தாமல் இருக்க போட்டது ஆனால் அதைவிட அது மின்விசிறி மூலம் எழுப்பும் சத்தம் வாசலில் யாராவது நின்று கதவை தட்டினால் காதில் விழாத அளவுக்கு இருந்தது.இதன் சத்தம் எங்கிருந்து வருகிறது அதன் காரணமும் பிடிபட்ட பின் அதை நிவர்த்தி செய்ய பல செய்முறைகளை யோசித்து வைத்திருந்தேன்.கடைசியாக மின்விறிக்கும் அந்த False Ceiling க்கும் இடைப்பட்ட தூரத்தை அதிகப்படுத்தினால் காற்று சுழற்சி நன்றாக இருக்கும் அதனால் காற்றால் வரும் அதிர்வு False Ceiling Frame ஐ பாதிக்காது என்று முடிவு செய்து அதோடு அதை நானே செய்துவிடலாம் என்று எண்ணினேன்.

மேலே சொன்ன வேலையை குத்தகைக்காரரிடம் கொடுத்திருக்கலாம்,நான் செலவு செய்ததை விட 10 மடங்காவது கூலி கேட்டிருப்பார் ஏனென்றால் சிறிய வேலை முதல் பல காரணங்கள் சொல்லப்படும்.போன நவம்பர் மாதம் வரை அலுவலக வேலை அதிகமாக இருந்ததால் எப்போது செய்யலாம் என்று யோசித்தே பார்க்கவில்லை. வெறும் 3 மணி நேரம் கொடுத்து நாளையில் இருந்து வேலைக்கு வரவேண்டாம் என்று சொல்லிய நிருவனத்துக்கு “மிக்க நன்றி” சொல்லிவிட்டு இந்த வேலையை ஆரம்பித்துவிட்டேன்.மகனை உதவிக்கு வைத்துக்கொண்டு மொத்த Frame ஐ இரண்டு நாட்களுக்குள் ஒரு 3 அங்குலம் உயர்த்திவிட்டேன் அதோடு மின்விசிறி சுற்றும் இடத்துக்கு பக்கத்தில் கொஞ்சம் தண்ணீர் நிரப்பிய பாட்டிலை நான்கு பக்கமும் வைத்து அதிராமல் பார்த்துக்கொண்டேன்.இப்போது முதலில் இருந்த சத்தம் இல்லை.

அடுத்து,வீட்டுக்குள் வெப்பம் வரும் வழி மேற்கு நோக்கி இருக்கும் ஒரு பக்க சுவர்.இரண்டு படுக்கை அறை,சமையல் அறை மற்றும் குளியலறை எல்லா அறைகளுக்கும் இச்சுவர் மூலம் வெப்பம் பரவுகிறது என்று நினைத்து அதற்கு என்னென்ன வழிகளை மேற்கொள்ளலாம் என்று பட்டியலிட்டேன் அதில் ஒரு வழியை தேர்ந்தெடுத்து அதற்கான வேலையில் இறங்கினேன்.

இது தான் மேற்கு பக்கம் பார்த்த சுவர்.மதியம் முதல் மாலை வரை வெய்யில் சூட்டை வாங்கி இரவு முழுவதும் வீட்டுக்குள் விடுகிறது.

கீழே உள்ள கைப்பிடி சுவரில் இந்த மாதிரி Anchor Bolt ஐ 10 MM dia Bolt ஐ நிறுவினேன்.இந்த போல்ட் ரூ 10/No.ஆனால் தரமானதாக தெரியவில்லை.இதற்கு பதிலாக ஐந்து ரூபாய்க்கு கிடைக்கும் இந்த ஹூக் எவ்வளவோ தேவலை என்று நினைக்கிறேன்.இவ்வித போல்டுகளை 1 மீட்டர் இடைவெளியில் நிறுவிக்கொண்டேன்.

அடுத்து Shade Net என்ற வலை பல கடைகளில் கிடைக்கிறது. 50x3 Meter, 50x5,50x6 என்ற பல அளவுகளில் கிடைக்கிறது.சென்னை சென்ரல் பக்கத்தில் இருக்கும் சாலையில் சுமார் 1 கி.மீ உள்ளே சென்றால் வால்டேக்ஸ் சாலையில் டார்பாலின் விற்கும் கடைகளில் கிடைக்கிறது.சில கடைகளில் மொத்தமாகத்தான் கொடுப்பேன் என்று அடம் பிடிக்கிறார்கள்.முதல் தடவை வாங்கியதால் நான் கொடுத்தது தான் சரியான விலையா என்று தெரியவில்லை ஏனென்றால் சுமார் 30% சொன்ன விலையில் தள்ளுபடி செய்து கொடுத்தார்கள்.

இந்த வலை மெல்லியதாக இருப்பதால் தொங்கவிடும் போது கிழிந்துவிடும் அபாயம் இருக்கும் அதற்கு ஏற்றாற் போல் தொங்கவிடும் பகுதியை மடித்து அதனுள் கொடிகட்டும் கம்பியை நுழைத்தேன்.

எல்லாம் முடிந்த பிறகு வலையை வெளிப்பக்கம் தொங்கவிட்டேன்.இப்போது சுவர் முழுவதும் மதிய மாலை வெய்யிலில் இருந்து தப்பிக்க கூடும்.மே/ஜூன் மாதங்களில் இதன் பலன் தெரியக்கூடும்.செலவு விபரங்கள் கீழே கொடுத்துள்ளேன்.

வலை - 25x3 Meter - Rs 1500 (நான் உபயோகப்படுத்தியது இதில் பாதி தான்) போல்ட் -15x10 -       Rs 150
கொடிக் கயறு          Rs 60
மடிச்சு தைக்க-ஒயர் Rs 30
தொழிலாளர் கூலி எல்லாம் நானும் எங்கப்பாவும் பகிந்துகொண்டோம்.வண்டிச்சத்தம் இதில் அடங்கவில்லை. :-)
இந்த வலையில் 75%, 50% சூரிய வெளிச்சத்தை கட்டுப்படுத்தும் என்ற வகையில் கிடைக்கிறது, உங்கள் தேவைக்கு ஏற்ப வாங்கிக்கொள்ளலாம்.

இப்படியெல்லாம்.....ஹூம்!

யாகூ குழுமத்தில் ஒரு கேள்வி



 In my project , a 10 m Pier was constructed till Pier Cap properly. For Launching the girder(Pre-cast Girder) using  crane, they made a ramp by backfilling between the piers.After Backfilling the pier was tilted of an about 0.4m.Can anybody tell me the best solution for dis case.

இப்படியெல்லாம் நடக்குமா என்ற சந்தேகம் எழுந்தாலும் மேஸ்திரி கொண்டு வீடு கட்டும் நம் நாட்டில் இது சாத்தியமே.

Pier Design என்பது மேலிருந்து வரும் Load மற்றும் ஓரளவு பக்கவாட்டு அதிர்வை தாங்கக்கூடிய முறையில் வடிவமைத்திருப்பார்கள் ஆனால் மண் போட்டு அதை முட்டுக்காக உபயோகப்படுத்தியிருந்தால் அது அதை தாங்காது. மண் மேடு என்பது ஏதோ ஒரு மணி அல்லது இரண்டு மணி நேரத்தில் முடியக்கூடிய வேலையில்லை அப்படியென்றால் அந்த வேலை நடக்கிறது என்பதை யாரும் பார்க்கவில்லையா என்ற கேள்வியும் எழுகிறது. 

தோட்டக்கலை வாரியம்

ஒன்னும் பெரிசா வேலை இல்லை என்னும் போது வீட்டு மாடியில் என்னென்ன பயிரிடலாம் அல்லது எப்படி மேம்படுத்தலாம் என்று இணையத்தில் மேய்ந்துகொண்டிருப்பேன் அல்லது பொதிகை மற்றும் மக்கள் தொலைக்காட்சி பார்பேன். ஒரு நாள் மக்கள் தொலைக்காட்சியில் ஒருவர் அவர் வீட்டு மாடியில் பயிர் வளர்ததையும் அதற்கு தேவையான விதைகளை அண்ணா நகரில் உள்ள தோட்டக்கலை வாரியத்தில் வாங்கியதாக சொன்னார்.அட! அண்ணா நகர் என்றால் பக்கத்தில் தானே என்று இணையத்தில் முகவரி எடுத்துக்கொண்டு கூகிள் எர்த் மூலம் இருப்பிடத்தையும் மனதில் வைத்துக்கொண்டு கிளம்பினேன். இணையத்தில் உள்ள முகவரிபடி சென்றால் அது வேறெங்கோ போனது பிறகு குறிப்பெடுத்து போன தொலைப்பேசி மூலம் தொடர்பு கொண்டு அவ்விடத்தை அடைந்தேன்.

நான் போன போது அங்கு சுமார் 30 பேர் ஒரு அறையில் இருந்தார்கள்  அவர்களுக்கு ஒருவர் மண்வளம் மற்றும் பயிரிடும் முறை பற்றி சொல்லிக்கொடுத்துக்கொண்டிருந்தார்.விஜாரித்த போது இதே மாதிரி பல நிகழ்வுகளை  அவர்கள் மேற்கொண்டு வருகிறார்கள் என்று தெரிந்தது.விபரங்கள் அவர்கள் இணைய பக்கத்தில் உள்ளது.தொலைப்பேசி மூலமும் விபரங்கள் பெற்றுக்கொள்ளலாம்.உங்கள் சௌகரியத்துகாக கீழே படத்தில் அவர்கள் இருப்பிட முகவரியை கொடுத்துள்ளேன்.

விதைகள் பற்றி கேட்டவுடன் பக்கத்தில் உள்ள ஒரு அறைய காட்டினார்கள்.ஓரமாக ஒரு இடத்தில் போட்டு வைத்திருந்த விதைகளை காட்டினார்கள் அதிலிருந்து எனக்கு தேவையானவற்றை மட்டும் எடுத்துக்கொண்டேன்.

இவ்விதைகளுக்கு Expiry Date உள்ளது அதனால் அதற்குள் உபயோகிக்க வேண்டும்.

அசல் விவசாயிக்கு வேண்டிய வேறு சில விபரங்கள் அட்டையின் பின் பக்கத்தில் போட்டுள்ளார்கள்.எனக்கெல்லாம் புரிபட இன்னும் சில காலம் ஆகலாம்.

ஒரு விபத்து நடக்க காத்திருக்கிறது.

ஓரிரவு எங்கள் குடியிருப்பில் நின்று பேசிக்கொண்டிருக்கும் போது பக்கத்தில் உள்ள கல்யாண மண்டபத்தின் ஒரு பகுதியை காண் நேரிட்டது.சமீபத்தில் அதன் ஒரு பகுதியை மேலும் ஒரு Floor அதிகப்படுத்தியிருந்தது தெரிந்தது ஆனால் என் பார்வையோ கீழே உள்ள பீம் மீதும் அதன் முகப்பில் ஏற்பட்டிருந்த வெடிப்பும் மீதும் இருந்தது

Beam யில் அதுவும் அதை தாங்கும் தூணுக்கு அருகில் என்றாம் அது அபாயகரமானது.இரவு நேரம் என்பதால் என்னுடைய ஆராய்சியை பகலுக்கு ஒத்திப்போட்டேன்.மறு நாள் காலை பார்த்த போது அதன் வீரியம் தெரிந்தது.நிலமை மோசம் என்று புரிந்தது ஆனால் உடனடியாக அல்ல.

 மேலே உள்ள படத்தில் தூணுக்கும் பீமும் இணையும் இடத்தில் இருக்கும் 45 டிகிரி கோண வெடிப்பை பாருங்கள்.இவ்வெடிப்பு அக்கட்டிடத்தின் மேற்பகுதி நீட்டிப்பு செய்யப்பட்டிருக்கும் போது ஏற்பட்டிருக்க கூடும்.நம்மூரில் இப்படி நீட்டிப்புக்கு அனுமதி பெற வேண்டும் அதெல்லாம் செய்தார்களா என்று தெரியவில்லை அப்படியே செய்திருந்தாலும் ஏற்கனவே இருந்த கட்டிடத்தில் உறுதித் தன்மையை சோதித்தார்களா என்று தெரியவில்லை.

வண்ண பூச்சு செய்தாத பகுதி தான் நீட்டிக்கப்பட்டது.

இதுமட்டுமல்ல சென்னையில் இப்படி பல கட்டிடங்கள் இப்படி யார் கண்காணிப்பும் இல்லாமல் நீட்டிக்கப்படுகின்றன.ஏதாவது ஒரு பெரிய விபத்து ஏற்பட்ட பிறகு அதைப் பற்றி சில நாட்கள் பேசிவிட்டு அதற்கடுத்த பிரச்சனையை ஓடிவிடுகிறோம்.

இந்த மோசமான நிலமையை பார்த்ததும் மனது கேட்காமல் பக்கத்து கட்டிடத்தின் நிர்வாகியிடம் போய் நிலமையை விவரித்து அவர்களுக்கு தெரிந்த கட்டுமான பொறியாளரை கேட்டு ஆவன செய்யுமாறு கேட்டுக்கொண்டுள்ளேன்,செய்வார்களா என்று தெரியவில்லை.நான் சொல்லிக்கொண்டிருக்கும் போதே அவர்களுக்கு தெரிந்த வரையில் அந்த ஓரத்தில் தாங்கும் தூண் இல்லை அதை போட்டுவிடலாம் என்று பேசிக்கொண்டிருந்தார்கள்.

ஆண்டவன் விட்ட வழி.

இதுவும் கண்டுபிடிப்பு தான்.

சில சமயம் பழைய கண்டுபிடிப்புகளை பற்றிய புத்தகங்களை படிக்கும்போது அந்த கண்டுபிடிப்புகளெல்லாம் ஏதோ ஒரு விபத்து தானோ என்ற சந்தேகம் வருவதுண்டு ஆனால் எனக்கு நேர்ந்தது....சத்தியமாக கண்டுபிடிப்பு அல்ல ஆனால் நிச்சயமாக ஒரு விபத்து தான்.

சிங்கையில் இருந்த போது அப்போது தான் வந்த DVD Recorder மீது கண் விழுந்து வாங்கினேன்.சுமார் 549 வெள்ளி என்று நினைக்கிறேன்.நம்ம பழைய கேசட் எல்லாம் Fungus வந்து பள் இளிக்கும் கால கட்டத்தில் இது ஒரு நல்ல மாற்றாக இருக்கும் என்று நம்பி வாங்கினேன்.

சென்னைக்கு வந்த பிறகும் அதன் மூலம் தொலைக்காட்சி நிகழ்வுகளை சேமித்து பின் பார்த்துக்கொண்டிருந்தோம்.நடுவில் இந்த Set-up Box வந்ததும்,நிறைய சேனல்கள் வாழ்கையை ஆக்கிரமித்ததும் நேற்றைய நிகழ்வு இன்று Bore அடிக்க ஆரம்பித்ததால் இந்த Recorder க்கு வேலை இல்லாமல் தேமே என்று தூங்கிக்கொண்டிருந்தது.எப்போதோ வருகிற DVD/VCD க்கு பார்பதற்கு வேறு வழி இருந்ததால் இதை கண்டுகொள்ளாமல் இருந்துவிட்டேன்.திடிரென்று ஞானோதோயம் வந்து ஒரு நாள் ஒரு வட்டை போட்டு பார்க்கலாம் என்று On செய்து Eject Button ஐ அழுத்தினால் உள்ளிருக்கும் சிறிய மோட்டார் வேலை செய்யும் சத்தம் கேட்கிறது ஆனால் வட்டு டிரே வெளியே வர மறுத்தது. “Blocked" என்ற பிழையுடன் நின்று போனது.நமது கணினியில் இருக்கும் Tray கீழே இருக்கும் சிறிய துளை இதில் இல்லை அதனால் Tray ஐ வெளியே கொண்டு வர வழியே இல்லாமலிருந்தது.நம் ஆண்டவர் கூகிளில் தேடினால் என்னைப் போல் பலருக்கு இந்த பிரச்சனை இருப்பது தெரிந்தது.பல வழிகள் சொல்லப்பட்டிருந்தது.அதில் ஒன்று “Tray க்கு கீழே ஒரு Lock இருக்கு அதை பேப்பர் கட்டர் கத்தியை கொண்டு விலக்கிவிட்டால் Tray வந்து விடும்” என்று போட்டிருந்தது. பல தடவை செய்தும்    ப்லன் இல்லை.மற்றொரு நாள் இன்னொரு ஐடியா சொல்லியிருந்ததை செயல்படுத்தினேன்,ஆதாவது Power Button ஐ அழுத்திக்கொண்டு மெயின் Power Switch On செய்வது- இதுவும் பலனளிக்கவில்லை.

இந்த பிரச்சனையை சில நாள் ஆரப்போட்டுவிட்டு Paper Cutter முறையை செயல்படுத்திய போது Tray வெளியே வந்தது.பல முறை Eject - Close- Eject போட்டு முயன்ற பிறகு எல்லாம் சரியாகிவிட்டது என்று நினைத்து மூடிவிட்டேன்.ஆனால் சில நாட்களிலேயே அப்பிரச்சனை மீண்டும் வந்தது.Tray Moving Parts களில் கொஞ்சம் எண்ணெய் போட்டு வைத்தேன் அதற்கும் சரியாகவில்லை, சரி பீராய்சுடவேண்டியது தான் என்று Screw Driver மூலம் முயற்சித்தேன் ஆனால் அதில் உள்ள Screws எல்லாம் வேறு மாதிரி இருந்தது.சாதரணமான Star/flat Driver மூலம் கழற்ற முடியாத்தாக இருந்தது.பல கடைகளில் ஏறி இறங்கினாலும் கிடைக்க மறுத்தது.மற்றொரு நாள் வேறொறு Screw Driver மூலம் முயன்ற போது வெற்றி கிடைத்தது ஆனாலும் DVD Tray கழற்றுகிற மாதிரி இல்லாத்தால் அம்முயற்சியை கைவிட்டேன்.

கடைசியாக ஒரு வட்டை Tray உள்ளேயே வைத்து மூடி திறந்த போது Tray சொல் பேச்சை கேட்க ஆரம்பித்தது அதனால் எப்போதும் அதனுள் ஒரு வட்டு இருப்பதை உறுதிபடுத்திவிட்டால்  மூடி திறப்பதில் பிரச்சனை இருக்காது என்று தெரிகிறது.

என்னைப்போல் யாருக்காவது இதே மாதிரி பிரச்ச்னை இருந்தால் சல்லிக்காசு கொடுக்காமல் முயன்று பார்த்து வெற்றி தோல்வியை பகிர்ந்துகொள்ளலாம் அதற்கு பிறகு நான் Patent Register செய்யலாம் என்றுள்ளேன். :-)

பச்சை மீது ஆசை.

பலருக்கு தோட்டம் துரவு மீது ஒரு ஆர்வம் இருக்கும் ஆனால் இட மற்றும் பண பிரச்சனை போன்றவைகளால் அது கூடாமல் இருக்ககூடும்.எனக்கும் இந்த பசுமை மீது ஆர்வம் இருந்தாலும் மிகப்பெரிய ஈடுபாடு எல்லாம் கிடையாது ஆனால் மனைவிக்கு கொஞ்சம் ஆர்வம் உண்டு தேடிப்பிடித்து மண்,செடி & உரம் வாங்கி வந்து வளர்ப்பார்கள்.நான் இணையம் மூலம் கிடைக்கும் விபரங்களை கொடுத்து உதவுவேன் மற்றபடி அவ்வப்போது தோட்டக்காரன் வேலையும் கிடைக்கும்.
மிக எளிதாக வளர்க்க கூடியதாக தோன்றிய தக்காளி செடியை வளர்க்கலாம் என்று யோசித்து பல்லாவரம் மேம்பாலத்துக்கு கீழே போட்டுவைத்திருக்கும் நெகிழி பெட்டி இரண்டு ரூபாய் 140 க்கு வாங்கினேன்.செடி வளர்ப்புக்கு ஏற்ற மாதிரி மேற் மூடியை அவர்களே வெட்டி கொடுத்தார்கள்.

மனைவி தக்காளியை சமையலுக்காக வெட்டிய போது கிடைத்த விரைகளை நன்றாக தண்ணீரில் அலசிய பிறகு மண் மீது தூவி அதன் மேல் சிறிது மண் போட்டு மூடினேன்.கொஞ்ச நாளில் செடி முளைத்தது ஆனால் இரண்டு அங்குலம் உயரம் வந்தது வளர்ச்சி சுணங்குவது போல் தோன்றியதால் செடியை பிடிங்கி வேறு தொட்டியில் நட்டு தண்ணீர் விட்டேன்.தொட்டி பெரியதாக இருப்பது போன்று தோனியதால் மேலும் இரண்டு செடிகளை நட்டேன்.கொஞ்ச நாளில் பெரிதாகி இப்போது பூவும் வந்துவிட்டது ஆனால் வேர் மண்ணிற்கு மேல் புறம் தெண்படுவதால் மண் தேவையான அளவு இல்லையோ என்று தோனுகிறது.

இது ஒரு முயற்சி என்பதால் தவறுகளை திருத்தி மேலும் முயலவேண்டும்.

இரண்டாவது தொட்டியில் இப்போதே காய்கறி கழிவுகளை போட்டு தொழு உரம் தயாரிக்க தயார் செய்துவருகிறேன்.மொட்டை மாடியில் வைத்திருப்பதால் மண்,சட்டி எல்லாம் கீழிருந்து கொண்டு வரவேண்டியுள்ளது.

கருதுளசி மற்றும் மல்லிகை செடிகள்.

ரோஜாவும் இருக்கு, இப்போது தான் மொட்டு வருகிறது.

பாதுகாப்பு பாவனை பயிற்சி

கட்டுமானத்துறை இடம் என்றால் புதிதாக ஆட்கள் வந்தவுடன் காலணி,தலைக்கவசம் மற்றும் தேவையான உபகரணங்கள் கொடுப்பதோடு முதலாளிகளின்/குத்தகைக்காரர்களின் வேலை முடிவதில்லை.இப்போதெல்லாம் பல தொழிலாளிகள் வடக்கு மாநிலத்தில் இருந்து வருவதால் இங்குள்ள நிலமை மற்றும் விபத்து அல்லது பேரிடர் ஏற்படும் போது என்ன செய்யவேண்டும் என்பதை அவர்கள் மொழியில் விளக்கவேண்டும், அதோடில்லாமல் அவசரகால தொலைப்பேசி எண்களையும் சொல்லச்சொல்லி அவர்கள் நினைவில் நிறுத்துவார்கள்.

சமீபத்தில் அந்த மாதிரி விளக்க கூட்டம் நடைபெறும் போது எடுத்த படங்கள் கீழே.அதில் ஒருவர் வேலைசெய்யும் இடத்தில் அடிபட்டால் அல்லது கீழே விழுந்துவிட்டால் என்னென்ன செய்யவேண்டும் என்பதை விளக்கி அடிபட்டவரை எப்படி தூக்கவேண்டும்,என்ன முதலுதவி செய்ய வேண்டும் என்பதை பாவனை பயிற்சி மூலம் விளக்குவார்கள். இதெல்லாம் 10 வருடங்களுக்கு முன்பு இல்லாதது.கட்டுமான உரிமையாளர் கொடுக்கும் அழுத்தமும்,ISO தரம் கட்டிக்காக்கவும் மற்றும் காப்பீடு செலவை குறைக்கவும் கட்டாயமாக்கப்பட்டதால் செய்யப்படும் நிகழ்வுகள்.இதெல்லாம் செய்வதால் வேலை செய்யும் தொழிலாளர்களுக்கு ஒரு விழிப்புணர்வு வருகிறது என்றால் மிகையில்லை.

முகத்தை அழகாக்குங்கள்.

இது Facial செய்வதற்கான குறிப்போ அல்லது செய்முறையோ கிடையாது.

சில நாட்களுக்கு முன்பு வேலை வெட்டி இல்லாத நேரத்தில் ஹாட்மெயிலில் உள்ள பழைய செய்திகளை அழித்துக்கொண்டு வந்தேன் அதில் ஒரு நண்பனின் மெயிலும் இருந்தது அதையும் அழித்துவிடலாம் என்றிருந்தேன் ஏனென்றால் என்னுடைய பழைய மெயிலுக்கு அவனிடம் இருந்து பதில் வராததால் அவனுடைய தொடர்பு போய்விட்டது என்றே நினைத்திருந்தேன்.அவனைப் பற்றிய சிறு குறிப்பு : என்னுடன்  ஒரு வேலையிடத்தில் சிங்கையில் வேலைப்பார்த்தவர்.இலங்கை தமிழர், அவர் பேசும் தமிழ் சில இடங்களில் புரியாமல் இரண்டாம் முறை கேட்டு தெளிவடைவேன்.சில மாதங்கள் மட்டுமே அவருடன் இருந்ததால் வந்த நட்பு வந்தது. சில முறை வாழ்கையில் பக்கங்களை புரட்டும் போது இலங்கை தமிழர்களுடன் ஏற்படுகின்ற நட்பு வெகு எளிதாக ஏற்பட்டு விடுவாக உணர்கிறேன் அதற்கு என்ன காரணம் என்று தெரியவில்லை.

பாடசாலையில் படித்துக்கொண்டிருக்கும் போது சாதரணமாக இருந்த நான், சுமாராக மேலே போவதற்கு உதவியாக இருந்தது ஒரு இலங்கை தமிழர் அவர் பெயர் : பிரபாகரன் - உயர்நிலை பள்ளி வரை ஒன்றாக படித்தோம் அதற்கு பிறகு வலிவலம் தேசிகர் பாலிடெக்னிக்கில் நான் கட்டிடவியல் படிக்க அவன் இயந்திரவியல் படிக்க, படிப்பு முடிந்தவுடன் தொடர்பு விட்டுப்போய்விட்டது. அவ்வப்போது நாகை போகும் போது என்னுடைய சக பள்ளி நண்பரிடம் அவனைப் பற்றி தகவல் உண்டா என்று விஜாரிக்கும் போது அவர்கள் குடும்பம் நாசரேத் போய்விட்டதாக சொன்னான். இன்றுவரை அவனை இணையத்தில் தேடிக்கொண்டிருக்கேன். நாசரேத்தில் இருப்பவர்கள் விபரம் தெரிந்தால் சொல்லவும்.

சிங்கையில் ஏற்பட்ட நட்பு அவர்கள் லண்டன் போன பிறகும் சில மினஞ்சல் வரை தொடர்ந்தது அதற்கு பிறகு விட்டுப்போனது.இந்நிலையில் தான் அவனுடைய அஞ்சலை நீக்கிவிடலாம் எண்ணினேன் இருந்தாலும் மனசு கேட்காமல் மற்றொரு முறை அஞ்சல் அனுப்பிப்பார்கலாம் என்று ஒரு மெயிலை அனுப்பினேன். சில நாட்களிலேயே அவனிடம் இருந்து மெயில் வந்தது, அவனும் அவர்கள் குடும்பமும் சென்னை வருவதாகவும் அங்கு சந்திக்கலாம் என்று.ஆச்சரியமாக இருந்தது.

இன்று மதியம் அவர்களை வீட்டு அழைத்துவந்திருந்தேன், கொஞ்சம் கருப்பு போய் லண்டன் சீதோஷ்ணம் அவனை வெளுப்பாக்கியிருந்தது.தலை முடிக்காக சிங்கையில் செலவு பண்ணியது எவ்வித தொந்திரவும் செய்யாமல் வழுக்கையை அப்படியே வைத்திருந்தது.லண்டன் படிப்பு மற்றும் வேலை நிலவரங்களை கேட்டு தெரிந்துகொண்டேன் .அப்போது அவர்கள் சொன்ன சில விஷயங்கள் அவ்வப்போது நாங்கள் வெளிநாட்டில் இருந்து சென்னை திரும்பும் போது பார்த்திருந்தாலும் இது கொஞ்சம் மோசமாக இருந்தது.

சென்னை குடியேற்ற கவுண்டரில் அங்குள்ள ஒரு பெண் அதிகாரி தனது அலைப்பேசியில் தமிழ் பாட்டை பெரிதாக வைத்துக்கொண்டு தான்தோற்றிதனமாக வெளிநாட்டவரை அனுப்பிக்கொண்டிருந்தாராம்.ஏதோ ஒரு காரணத்துக்காக அவர்கள் குழந்தையிடம் அதன் பேரை கேட்ட தோரணையை பார்த்து குழந்தையே பதில் சொல்லாமல் இருந்துவிட்டதாம் பிறகு அம்மாவிடம் ஏன் இப்படி கேட்கிறார்கள் என்று கேட்டதாம்.இந்தியாவின் முகம் அவர்களை வரவேற்பவர்களின் நடைமுறையை வைத்தே மதிப்பிடப்படுகிறது.அது பெரும்பாலும் பல இடங்களில் தவறாகவே கையாளப்படுகிறது.இதே மாதிரியான Ill treatment இங்கு மட்டும் அல்ல பல நாடுகளிலும் காண்பிக்கப்படுகிறது.இதே மாதிரியான ஒரு புகார் சிங்கையில் வந்த போது அதை தீவிர விசாரணை செய்து அதை திருத்தினார்கள்...எப்படி?  சரியான பயிற்சி கொடுத்து அதே சமயம் இந்த மாதிரி இடங்களில் வேலை செய்பவர்களை சுழற்சி முறையில் பணியமர்த்தினார்கள்.

மேலே சொன்ன நிகழ்வை சொல்லிவிட்டு நாங்கள் திரும்ப லண்டன் போகும் போது அங்கிருக்கும் அதிகாரி ஊருக்கு போன விபரம் கேட்டு பயணம் எப்படி நடந்தது என்று கேட்டு, குழந்தைகளிடம் சிரித்து பேசி அனுப்பிவைபாராம்.அதையெல்லாம் இங்கு அமல்படுத்த முடியாவிட்டாலும் ஓரளவுக்காவது சீர் செய்யவேண்டும் இல்லாவிட்டால் நம் முகம் அசலூர்காரர்களுக்கு மிக அசிங்கமாகவே தெரியும்.

அடுத்து குற்றாளம்,அருவில் தண்ணி குளிக்க வரிசை அதை சரி செய்ய போலீஸ்காரர்கள்.அதில் ஒரு சிலர் பல் துளக்கி அங்கேயே கொப்பளிக்க அவர்கள் துப்பிய கழிவு பக்கத்தில் உள்ளவர்கள் காலில் பட....அதோடில்லாமல் பல்துலக்கிய பிரஸ்ஸை அருவி தண்ணீரில் அலம்பி தங்கள் சுத்தத்தை காப்பாற்றினார்கள்,இன்னும் சிலர் மஞ்சள் பூசி அருவியை மஞ்சளாக்க முயற்சி செய்துகொண்டிருந்தார்கள். நம்முடைய பல அருமையான சுற்றுலா தளங்களில் அடிப்படை வசதிகள் இல்லாதது மற்றும் இருக்கும் வசதியை அசிங்கப்படுத்துவது என்பது மிக சுலபமாக செய்துவருகிறோம்.பெரும் பணம் கொழிக்கும் சுற்றுலா துறையை சரியாக மேம்படுத்தாவிட்டால் நம் வருமானத்தை இழப்பதோடில்லாமல் இந்தியாவின் முகமும் பொலிவிழந்து போய்விடும்.

ராட்சஷன்.

கட்டிய கட்டிடத்தை இந்த ராட்சஷன் துப்பி எறியும் போது  நரம்புகள் புடைத்தாலும் அந்த தொழிற்நுட்பம் வியக்கவே செய்கிறது .அலுவலகத்துக்கு பக்கத்தில் இருக்கும் இக்கட்டிடம் ஒரு காலத்தில் ஷூட்டிங் கட்டிடமாகவும் பிறகு அச்சுத்தொழில் நடந்ததாகவும் சொல்லப்பட்டது.மெட்ரோ கபளீகரம் செய்யும் சில நிலங்களால் சுற்றுவட்டாரத்தில் ஏற்படும் மாற்றங்களுக்கு வழிவிடும் பல கட்டிடங்களில் இதுவும் ஒன்று.

என்னுடைய கணிப்பில் இக்கட்டிடம் சுமார் 50 வருடங்களுக்கு முன்பு கட்டியதாக இருக்ககூடும் என்பதோடில்லாமல் அவ்வப்போது பல மேம்பாடு பணிகளையும் செய்திருக்ககூடும் என்பதை இடிபாடுகளில் இருந்து தெரிந்துகொள்ள முடிகிறது.

15 அங்குல சுவர்கள்,உருண்டு கம்பிகள் கொண்ட 3 அங்குல கான்கிரீட் மீது செங்கல் சிலாபுகள் என்று கேள்விப்பட்டிராத தொழிற்நுட்பங்களை காணமுடிந்தது.கீழே உள்ள படம் சிலாபே செங்கல்லில் கட்டியிருப்பதை காட்டுகிறது.

பாதி உடைந்த நிலையில் வசந்த மாளிகை எடுத்த  கட்டிடம்....கீழே.

 

தோட்ட நிலம்

சில வருடங்களுக்கு முன்பு இது பிரபலமாகி பிறகு கொஞ்சம் காலம் பேச்சு இல்லாமல் இப்போது திரும்பியிருக்கு, அது தான் Farm Garden எனப்படும் நில விற்பனை.உள்ளூரில் வீடு/நிலம் பார்த்து அலுத்த வேளையில் தெரிந்தவர் மூலம் இந்த விற்பனை வந்தது,பெரிய நிலப்பகுதி அதில் மா,தென்னை மற்றும் தேக்கு என்று மரங்கள் சுமார் 13 வருடங்கள் கஷ்டப்பட்டு வளர்த்து விற்கிறார்கள்.மாங்காய் என்றால் படுத்துக்கொண்டே கடிக்கலாம், படம் பார்க்க.பல வித ரக மாங்காய்கள் காய்கின்றன, சுவையும் மோசமாக இல்லை.தெரிந்தவர்களுக்கு மட்டுமே சொல்லியதில் இரு தொகுதி மட்டுமே மிச்சம்(வலது பக்க பவுன்ரியில்).அடுத்த தொகுதியும் விற்பனைக்கு வருகிறது அதில் தென்னை அதிகமாக உள்ளது.
நாம் பெற்ற இன்பம் இவ்வையகம் பெறட்டுமே என்ற எண்ணத்தில் மட்டுமே இங்கு போடுகிறேன்.இதற்கு நான் முகவர் அல்ல அதனால் தேவையானவர்கள் தொடர்புகொள்ளலாம்.(vaduvurkumar at gmail dot kam)

இடம்: சுங்குவார் சத்திரம் அருகில்.
கோயம்பேடுவில் இருந்து சரியாக 1 மணி நேரப்பயணம்

கூகிள் மேப்பில் இந்த இடத்தில் பார்க்கலாம்.சுலபமாக தூரங்களை கணக்கிடலாம்.

இங்கிருந்து மருதமங்களம் வழியாக காஞ்சிபுரம் போகலாம் மற்றும் 120 என்று போட்டுள்ள சாலை திருவள்ளூருக்கு போகலாம்.அமைதியான சுற்றுப்புறத்துடன் சில காலம் வாழனும் மற்றும் investment என்ற நோக்கத்துடன் வாங்கிப்போடலாம்.

மருதமங்களம் என்ற ஊர் சுமார் 4 கி.மீட்டர் தூரத்தில் உள்ளது அங்கு 1100 ஆண்டுகளுக்கு முன்பு கட்டிய ஒரு கோவிலும் உள்ளது.படங்கள் கீழே.

ஊரில் உள்ள குளம்.